كان يا ما كان وما يحلي الكلام الا بذكر النبي عليه الصلاة والسلام
كان في نحلة كسلانة جدا وكل شوية مش عايزة تروح المدرسة مامتها جت تصحيها تقولها يووووووووه ياماما
مش عايزة اصح مامتها تقولها لازم تقومي علشان صحابك مستنيينك يلا قومي
قامت النحلة نانو وراحت رايحة علي الحوض تغسل وشها راحت نايمة في الحوض بس مامتها راحت جايبة شوية مية وكبتهم عليها علشان تفوق
راحت النحلة نانوالمدرسة مع صحابها بس في الطريق طول ماهي ماشية كل شوية تقف علي الورد تنام عليه وبعدين تصحي تلاقي صحابها سبقوها تروح جرية بسرعة علشان متتاخرش ع المدرسة علشان الميس مش تزعقلها
راحت النحلة نانو المدرسة ودخلت الفصل راحت نايمة ع الديسك الميس بتاعتها قعدت تزعقلها وتقولها قومي يا نانو يا كسلانة اسمعي الدرس
الميس قالتلهم انهاردة هنتعلم ازاي نمتص رحيق الازهار هنروح الجنينة ونتعلم الدرس دة بس خلو بالكو من الدبابير علشان
ميقرص حد فيكو قالولها حاضر يا مس النحلة نانوقامت علشان تروح معاهم لما بداو الدرس النحلة نانو راحت نايمة علي الوردة بدل ما تمتص الرحيق
كان في دبور كبير مراقبها من بعيد هو وصاحبه وقالو الله هي النحلة الكسلانة دي اللي هتبقي غدانا انهاردة
وهجمو عليها وعوروها وطارو
الميس ندهت علي كل النحل علشان يرجعوا المدرسة وعدت النحل لقت ناقص واحدة ندهت الاسامي لقو نانو هي اللي ناقصة
قعدوا يدوروا عليها لقوها نايمة متعورة ومش قادرة تطير وعمالة تعيط
جابولها الاسعاف وودوها المستشفي واخدت حقن هي مش بتحبها بس الحمد لله خفت وقالت انا عمري ابدا ما هكون كسلانة وهروح مدرستي وهركز في الفصل علشان اسمع المس بتقول ايه ومش هخلي الدبابير تعضني تاني وفعلا النحلة نانو بقت نشيطة وشاطرة في مدرستها
وتوتة توتة خلصت الحدوتة حلوة ولا بنتوتة
مشكورة ياامورة .