زيني الكيكة بصوص الكراميل
كيكة الكاكاو واللوز
المقادير:
كوب زبدة
كوب سكر
¼ كوب كاكاو
1 ¼ كوب دقيق
¼ كوب لوز مبشور
2 ملعقة صغيرة بيكينج باودر
4 بيضات
الطريقة:
1- اضربي السكر والزبدة مع بعض كويس لغاية ما يتجانسوا تماما.
2- ضيفي عليهم البيض، واستمري في الخفق لغاية ما حجم البيض يتضاعف.
3- اخلطي الدقيق مع اللوز والكاكاو والبيكينج باودر، وبعد كده ضيفي عليهم خليط البيض والزبدة، وقلّبيهم مع بعض كويس من تحت لفوق، لحد ما المكونات كلها تتجانس.
4- حطّي الخليط في صينية بعد ما تدهنيها بالزبدة وتفردي عليها طبقة خفيفة من الدقيق، ودخّليها في فرن ساخن على درجة حرارة 180، وسيبيها لمدة 30 دقيقة، أو لغاية ما تحسّي إن العجينة استوت.
5- بعد ما الكيكة تستوي، اقلبيها في طبق التقديم، وممكن تزيّنيها بصوص الكراميل واللوز.. وبالهنا والشفا. 
مستنيا تقييمكم لى
شكرا ع الوصفه
يسلمو ايدك
اسدنى مروركم الكريم ياقمرررات
يسلمو على الوصفه الجميله