هناك مثل يقول برد صدغك ( خدك تربي ابنك ) ومعناه ان الانسان لازم يكون بارد ويطلب من الاخرين ما يحتاجة ويستغل الآخرين من أجل مصلحته وكل ذلك بحجة أن معه أطفال يحتاجون
من خلال الكثير من التجارب التى شاهدتها بنفسي لاحظت أن الكثير من النساء والرجال يتخذون البرود وبرود الاعصاب والتناحة إسلوب حياة والأمثلة كثيرة جدا التى تدل على الاستغلال واستخدام كل الوسائل وقلة الزوق من اجل مصلحتهم
لتوضيح الموضوع سأحكى الكثير من التجارب التى شاهدتها بنفسي
1- عروسة جديدة شقتها بجوارى وزوجها باحث في اللغة العربية ومتخصص في التصحيح اللغوى وتانى يوم الفرح تقسم لى ان صديق زوجها اعطاة رسالة ماجستير ليصححها له ويصحح له الاخطاء الاملائية بها والنحوية وهكذا وظل العريس يقسم لزميلة انه مش هينفع وظروف الفرح وانه عارف انه عريس وان اليوم تانى يوم الفرح وصديقة اصر وترك له الرسالة وظل العريس يصحح في رسالة الماجستير الخاصة بصديقة 15 يوم 
والعروسة كانت نفسها تمسك العريس وصاحبة وتعلقهم والله كانت بتتصل تبكى وتقولى والله جوزى رفض كتير لكن صديقة مش عندة دم
2-المية كانت مقطوعة في منطقتنا لمدة 3 أيام وجارتى خبطت على تستنجد انها عاوزة اى مية علشان تشرب هى واطفالها فقلت لها انا عندى كمية قليلة فقالت لى هنقسمهم والله الاطفال عاوزين يشربوا فاخذت المية وتبقي لى كمية قليلة وبعد ساعة زوجها جه من الشغل وقال لها خبطى على الجيران وهاتى من عند كل واحده جردل او جركن وساذهب لمنطقة اخرى املاهم في السيارة فسمعت جارتى وهى تاخذ من كل شقة في العمارة جركن وخبطت على الجميع وتقول لهم هاتى يا فلانه وهاتى يا ام فلان علشان زوجى هيروح يملالنا مية بالعربية وفوجئت انها لم تخبط على ولم تتصل بي وكنت محتاجة مية لانى اعطيتها ما كان عندى فاستغربت جدا لكن برد خدك تربي ابنك يعنى مصلحتى اولا
3- لما جارتك بتستلف منك حاجة بتقومى جرى تعطيها ما تحتاجة لكن بعد ان تقضي مصلحتها انتى بتتحايلى عليها علشان ترجعها ههههه ولازم تبعتى ابنك عندها مرتين علشان ترجعى حاجتك ولو مش طالبتى على حاجتك بتدوس عليها وبرد خدك تربي ابنك ومصلحتى ثم مصلحتى وبعدى الطوفان
4- هناك عشرات المعارف حينما تجديهم يطلبونك على التليفون قبل أن تردى تكونى متأكدة انهم يحتاجون منك مصلحة وحينما تتطلبين منهم شيء تجدى الأعذار والمبررات
5- صديقتى في يوم من الايام رنت على تليفونى وقالت لى لقد تركت لكى طفلى الصغير على باب شقتك افتحى خذية وانا رايحة مشوار وهرجع بعد 5 ساعات طبعا هى فعلت ذلك لكى لا تعطينى فرصة لكى اعتذر وتضعنى امام الامر الواقع وهى لا تعلم ان هذا الموضوع جعلنى اقطع علاقتى بها نهائي وابتعد عن صداقتها وبرد وجهك تربي ابنك ومصلحتى اولا
6- احنا طاهرنا فلان وحضرتك مش اعطيتينا نقوط وبنتى اتخطبت ها هتشاركى في جهازها بإية وهتجبيلها إية ونظام برود واللى تأخدة منه فايدة والى ييجى منه احسن منه
برد خدك تربي ابنك واللى نأخده منه احسن منه ومصلحتك أولا
