كنت بستعمل ماسك عصير الليمون وجاب نتيجه معايا هايله وكنت بعمل ماسك زبادى بماء الورد او بودرة تلك بماء الورد فعلا جابو نتيجه معايا رائعه
وغسول الوجه دا اهم حاجه بعد نظافة البشره ولازم تختارى لنوع بشرتك الغسول اللى يناسبها
ثانى حاجه الميك اب انا بكتفى بحاجات بسيطه اولا لون عيونى عسلى لما بحط ميك اب ولو كان كحل بس لازم بركز على انى ابرز لون عيونى
اول حاجه بعد غسول الوجه تغسلى وشك بميه ساقعه اشبه بالتلج
تانى حطوه بحط فونديشن وهى خطوات اكيد كل البنات عارفاها بس الاهم من كل دا لو بشرتك دهنيه متحطيش فوند ليكويد خليكى فى الكومباكت احلى ويتحط بالاسبونج
بعد كدا ممكن تستعملى البودر ودى نوعين يا اما المائيه يا اما الكومباكت المائيه تغسلى الاسبونج بميه ساقعه عشان تثبتلك البودر ومتظهرش مجيره
حطينا البودر نيجى على الحواجب فى 3 حجات بنرسم بيهم اولا قلم حواجب وده مش حلو لانه بيوقع شعر الحواجب تانى حاجه جيل حواجب وده الاحسن تحطيه لو فى مناسبه لانه ملفت جدا اما التالت وده العملى ومفضل بالنسبه لى شادو الحواجب وفوايده كتير اول حاجه ميوقعش شعرة الحاجب غير كدا عملى ينفع لاى مكان مش ملفت اوى
بعد كدا لو حابه تحطى اى شادو انا بركز ع لون عنيا زى ماقولتلكم واللى يمشى معايا هما البنيات والابيض والبرونزات
اجى تحت الحاجب ع طول بحدد من تحت بالاى شادو الابيض بعد كدا بين الجفن المتجرك والثابت بحط لون بيج فوق العين ع طول بحط بنى
تحت الحين بحط كحل عادى بس عشان اثبته مش يسيح اعمل ايييييه
بسيطه اول حاجه تحطى خط تحت العين بالاى شادو اى لون تحبيه او حسب لون الملابس وجوه العين تحطى الكحل او طريقه تانيه و دى بحبها بتحطى الكحل عادى من تحت وتعيدى عليه بالايلينر و دا بيبرز لون الكحل اوى وبيثبت كمان
فى مشكله بالنسبه للعيون الضيقه فى طريقتين الايلينر او الكحل
الايلينر لو عنيكى ضيقه ترسمى ايلينر فوق العيون خط رفيع
الكحل بتحطى جوه العين كحل ابيض وترسمى تحته بالكحل الاسود عادى وبكدا بتوسع شكل العين
بعد كدا الروج بتختاريه حسب الملابس حاجه سهله ومعروفه
ارجو اكون مطولتش يا قمرات
thanks
