بداية بتمنى لكل العدولات اللى مارزقهم
ربنا بالذرية الصالحة يرزقهم عن قريب
فكرتى فى الموضوع ده مش جديدة
وأكيد كتير مننا شافها
وقلت لنفسي ليه مانعملهاش
التجمع ده شامل لجميع مراحل الحمل
وكمان حاعمل تجمع للمتاخرات عن الحمل
باذن الله
وبحب أبارك لكل حامل لسه عارفة
وبطلب من كل حامل تدخل تسجل
وتقول على آخر ميعاد للبريود
عاوزاكم تدخلوا وتقولوا كل اللى في نفسكم تقولوا ازاى استقبلتي الخبر وعرفتي جوزك ازاى وكان حاسس بايه؟
وقلتى لأهلك امتى وخبيتي على الناس ولا لأه؟
عايزاكى ياحامل تقولى ايه اللى بيضايقك وايه اللى بيفرحك؟
وبتتعاملي ازاى مع مشاكل الحمل وايه بتحتاري فيه؟
وطبعا مستنية خبرات اللى كانوا حوامل قبل كده وحوامل للمرة التانية وهل حملك الثاني مثل حملك الأول؟
مستنية تقولولى كل مشاعركم بكل مرحلة بتمروا بيها
امتى بدأت معاكى أول حركة للجنين
مستنية استفساراتكم
مستنيين ايه؟ ياللا بسرعة
ده حملى التالت بس فرحتي بقي المرة دي وحتي المرة اللى فاتت كانت كبيرة لانه المرة فاتت بالحمل كان عدا 4 سنين على ولادة بنتي المرة دي ماستنيتش كتير يادوب عدا 5 شهور على ولادتى عشان البنت اللى ولدتها اتوفت وماقدرت أستني كتير يعني تقدروا تقولوا جاتنى عقدة رهيبة خلتني حملت بسرعة بالرغم من انى ماكنتش متصورة انى حاعدى بالتجربة دي تانى بس زى ماربنا يأمر ربنا يسهلها ويقوم كل العدولات بالسلامة هما وأطفالهم