مين فينا مش بينسى اللبن على النار او الزيت
واحنا بنقلى يطلع كتير شويه ويقع من الطاسه
ويبهدل البوتاجاز او بتسلقى مكرونه مثلا والميه تفور
وتنزل على البوتاجاز اى سوايل عموما حتى لو بتسلقى فراخ
والشوربه غلت جامد ممكن تفور وتوقع من الحله وبتبقى حاجه
تغيظ النهاره جبتلكم حل عملى مجرب وبسيط جدااااااااايه هو
تحطى معلقه خشب على الحله او الطاسه فوقها زى الغطاء بالظبط
مهما اللبن غلى مش هيفور ابدااو الشوربه او الزيت اى حاجه سائله
بتغلى جامد مش ممكن تفور ابداطبعا فيه ناس ممكن متصدقش
علشان كده صورت اللبن وهو بيغلى ومش بيفور شوفوا كده
1
2
شوفوا بيغلى ومموت نفسه ومفيش ولا نقطه نزلت من الحله
وقصدت انى احطه فى حله تيفال لان التيفال محتواه الحرارى عالى
كنت بشيل الحله والله من على النار خالص اول مايغلى وبرضه
يفوردلوقت ولا يهمنى بوتاجازى فل على طول من غير ماحاجه
تقع عليه طيب نشوف البطاطس وهى بتتحمر كمان وانا قاصده
ازود الزيت خالص على اخر الطاسه واحمر فى تيفال برضه
ايه رايكم بقى ياحلوين جربوها كده والله طريقه جناااااان
تنفع فى اى حاجه بس امانه اللى نجرب وتعجبها تدعى لولادى
بس خلى بالك اللى بوتاجازها النار عاليه من الجنب تحط المعلقه
بعيد عن المنطقه العاليه وتختارى انواع معالق خشبها كويس
فى امان الله حبيباتى
شكرااا حبيبتى
شكراا
الله عليكى فكرة تحفة ان شاء الله اجربها
جزاكِ الله خير حبيبتى تسلمى
وربنا يباركلك بأولادك وتفرحى بيهم يارب
جزاكِ الله خير حبيبتى تسلمى
وربنا يباركلك بأولادك وتفرحى بيهم يارب
جزاك الله خير عالمعلومة