ازيك يا عدولة منك ليها نخش فى الموضوع طبعا عارفين كلنا ان الازواج انواع وكل زوج بيختلف عن التاني
فالبتالي لكل زوج طريقة نعامله بيها
النوعية الاولى :
الزوج ده كل ما تهتمي بيه وتقلقي عليه و لو اتأخر تسألي عليه بالموبايل
يتخنق منك ومن اهتمامك بيه وتلاقيه بيقولك هوه انتي مافيش وراكي حاجة غيري تعمليها
وده علاجه انك تتعلمي ازاي تطنشيه تماما
بمعنى انك ما تتصليش بيه خالص وهوه بره
ولو هوه اتصل فين وفين لما تردي ويا ريت تقوليله يلا قوام عشان مش فاضية
النوعية التانية :
ده بقى يا ستي بيحب الخروج موت وطبعا مش معاكي لكن مع اصحابه
ومقضيها كافيهات وعزومات
ده علاجه انك تلزاقيله لزقة امريكاني
يعني في كل خروجة تكون رجلك على رجله وتتحججي باي حاجة عشان ياخدك معاه
وطبعا بعد كده صحابه هايجيبو معاهم مراتتهم وانتي يا شطورة بقى في كل مرة تعملي خناقة مع واحدة فيهم
لحد ما يقاطع صحابه خالص ويبطل يخرج معاهم ويقعد جنبك
النوعية التالتة :
نوع عينه زايغة وبصباص وبيحب كل الستات اللي في العالم
ده علاجه انك كل يوم شخصية
يعني انهاردة مثلا تكوني الشخصية المرحة اللي بتحب تهزر وتقول نكت وتضحك]
بكره تكوني المثقفة المطلعة على كل امور الدنيا وتتحاوري معاه وكأنك مذيعة ]
بعده تكوني فيفي عبده او دينا وتدلعي وتلبسي زيهم[IMG]https://files.*******.com/smilies2019/smiley-dance.gif[/IMG]
بعده تكوني الشغالة اللي لابسة مريلة المطبخ بس تكون شكلها حلو مش مبهدلة
وعلى دا الحال لحد ما تجنني اهله وتكرهيه في كل انواع الستات
النوعية الرابعة :
وده بقى النوع المنتشر هههههههههههههههه اللي هوه النكدي وعلى طول لاوي بوزه
وده علاجه التطنيش نهائئيا يعني ولا كأنك شايفاه قصادك كأنه هوا عايش معاكي
يتخانق تسمعي من هنا وترمي من هنا يزعق اسرحي في ايه حاجة
يحاول يعمل اي مشكلة يكون رد فعلك هادي جداا ومنتهى البرود وتقابلي كلامه بابتسامة
لحد ما يزهق ويبطل لانه ببساطة مش لاقي حد ينكد عليه غير نفسه
النوعية الخامسة :
اللي هوه مقضيها نت وشات وفيس وخلافه
وده حله انك كل ما تلاقيه فاتح النت تسيبي كل اللي وراكي وتقعدي جنبه
وتقوليله بتعمل ايه يا حبيبي ما تفرجني بتقولو ايه طيب بتتكلموا عن ايه
عاوزة اكلم اختي او بنت خالتي وعلى كده لحد ما يزهق ويسيبلك ام اللاب
وتروحي على طول داخلة على عدلات وتيجي تقعدي معانا [IMG]https://files.*******.com/smilies2019/smiley-laugh.gif[/IMG]
يا رب يكون الموضوع عجابكم ونال استحسانكم
في امان الله
جزاكي الله خيرااا
