حلمت اني لابسه فستان فرح حلو اوي وماسكه بدلة فرح وداخله بيها حمام بيتنا وكنت مدخلها للي
هيبقى جوزي في الحلم اللي هو احمد ابن عم صديقتي ..وخبطت عليه باب الحمام وقالي ادخلي وكان مبسوط ولما دخلت الحمام عليه لقيته عريان مش
لابس هدوم وبيستحمى وكانت في واحده بتحميه وبتكب على راسه مياه وكان بينزل من شعره حاجه
لونها برتقالي لون عصير البرتقال وكانت البنت اللي بتحميه نصها اللي تحت عريان لكن ماخدتش بالي
من النص اللي فوق..وبعدين طلعت انا الصاله بره بس الصاله ماكنتش صالة بيتنا في الحقيقه الحمام بس هو اللي كان حماما بيتنا والجزء الباقي من الشقه ماكنش ليه علاقه ببتنا كأنه بيت تاني وكان فيه ولد جميل اوي بيتكلم عن نفسه وبيقول
انه عايز عروسه ومش لاقي مع ان العماره اللي هو فيها فيها 5 بنات دكاتره ومش
متجوزين..وبعدها طلع احمد من الحمام وكان لابس بدلته وكان جمبيه واحده بفستان فرح وحاطه
رابطه صفراء على شعرها وكانت الناس بتسلم عليه وعليها رغم من ان انا العروسه مش هي وف
الوقت ده تقريبا على ما اذكر اني ماكنتش لابسه الفستان بس كنت واقفه جمب احمد بس ماكنش مديله اهميه والبنت جمبه من الناحيه التانيه..بس
الولد اسمه احمد ممدوح محمد حامد ..وانا الاء هشام فؤاد مجاهد عبد العزيز…واللي كانت معاه في الحمام مش عرفاها..والولد اللي كان بيتكلم عن نفسه كان في المنام اخو احمد مع العلم ان احمد ليه اخ صغير عنده 7 سنين بس واخت في 2 اعدادي..انا بصلي الحمدلله ونفسيتي مرتاحه..عمري 16سنه.. وانافي الحقيقه بتمنى اخش طب..