طرق مختلفة لعمل الديك الرومي من تجميعي . طرق عمل الرومي بالصور 2024

المقادير:
ديك رومي كبير حسب الرغبة
ملح ,فلفل اسود , روز ماري , بهار مشكل , كمون
الحشوة
تفاحة كبيرة
برتقالة
10 حبات كستنا
بصل
زبدة

التحضير:
ننظف الديك الرومى ونغسله جيداً ثم ينشف بشكل جيد ناخذ قسم من التتبيلة الملح و الفلفل و الكمون و الروز مارى
و البهارات ، ونتبل الديك من الداخل ثم نضعيه جانبا
تجهيز الحشوة نفرم كل من التفاحة البرتقالة والبصلة الى مكعبات نضع معهم الروز ماري وحبات الكستنا و
نخلطهم مع الزبدة و القليل من الفلفل المطحون و الملح
نضع الحشوة فى الديك الرومى و نقفل رجليه جيدا بالخيط او اعواد خاصة
ثم يدهن بالذبدة ويرش عليه باقي التتبيلة مع الدعك بشكل جيد
نلف الديك بورق الالمينوم بشكل جيد ونضعه بالفرن على درجة حرارة 200 ولمدة 3ساعات حسب حجم الديك
انا البركة كان حجم الديك 7 كيلو اخذ وقت بالفرن 4 ساعات بس شو طلع مستوي غير شكل
قبل ساعة من الاستواء نرفع ورق الالمنيوم ويدهن بالمرق يلي بيتطلع من الديك ونحاول نوصل الدهن الى كل
الاماكن بين الارجل بين الاجنحة
بعد ماينضخ نخرجه من الفرن ويترك لمدة نصف ساعة ثم تقطع
ومن المرق عملت صلصة اضفت لها طحين وحركتها حتى تقلت وقدمتها مع الديك
يقدم معه الخضار , ملفوف احمر مطبوخ ,بطاطة مقلية
وبالهنا

المقادير:
ديك رومى والتتبيله دى عبارة عن 4 بصلات كبار مبشورين – 3 فصوص ثوم مهروسين معلقتين زبادى كبار (علبة زبادى صغيرة حوالى ربع كوباية زيت درة والتوابل بقى(ملح_فلفل اسود_كمون_بهارات_كسبرة ناشفه_جوزة الطيب_ ورق لورى_حبهان_زنجبيل فريش او مطحون_معلقة كركم صغيرة ولو حابة تحطى معلقة صلصة طماطم تمشى بردو بس انا محطتش ولو بتحبى الاكل مشطشط ممكن تحطى معلقه فلفل حار مطحون

التحضير:
هنا جبت الديك الرومى وزنه حوالى 4كيلو خفت اكبر عن كده ميستويش منى
غسلته كويس من برة ومن جوة بالملح والدقيق ودعكت جلده كويسبعدين تبلته بالشكل ده من برة ومن جوة وفرغت بين الجلد واللحم وحطيت التتبيله كمان
غرقيه بالتتبيله
ممكن تتبليه من بالليل وتشيليه فى الثلاجه يكون احلى واحلى بس لما تيجى تسويه يكون بقى بدرجه حرارة الغرفةالطبخ: قطعت بصل جوانح وجزر حلقات وفلفل اخضر قطع وبطاطس قطع بردو ومعاهم ورق لورى وحبهان ورشة ملح وفلفل
وقلبتهم فى بعض وفردتهم فى الصينية
وحطيت شوية من الخضار ده بردو جوة الديك
حطيت عليهم الديك وهو متبل كده ولو عندك شوريه حطى كوباية شوربه فى الصينيه
ولو معندكيش ممكن مية عادى دى بس عشان الخضار مايتحرقش فى الفرن
على ما الديك يبدا يحس بالحرارة وينزل ميته وكله يستوى مع بعضة
بعدين لفيت الصينيه كلها بالورق الفويل وقفلته كويس من الجناب عشان امنع دخول الهوا خالص
والديك يستفيد من حرارة الفرن كلها
وكنت طبعااا مولعه الفرن بقاله يجى ربع ساعه يسخن على درجه عاليه معرفش كام لانه مفيش ارقام عندى
بس هو اعلى حاجه عندى ودخلته الفرن وانسيه على الاقل ساعة ونص متفتحيش عليه نهائى وحطيته على الشبكه فى اول رف فوق ارضية الفرن عالطول
عشان يستوى كويس .كشفت عليه بعد ساعتبن لقيته استوى زى الفل والخضار اللى تحته كمان
كشفت الفويل من عليه وولعت الشوايه وقلبته على الاربع جناب عشان يتحمر
بالنسبة للرز بالكبد والقوانص:
غسلت طبعاا الكبد والقوانص والقلب بتوع الديك كويس بالملح والدقيق وقطعتهم قطع صغيرة
وجبت حلة خرطت فيها بصله صغيرة ولما بدات تصفر شويه حطيت عليهم الكبد والقوانص المقطعه
وقلبت لحد ما لونهم اتغير
وحطيت عليهم نص كوبايه ميه عشان القوانص تستوى كويس وحطيت التوابل بقى
ملح وفلفل وكمون بسيط وكسبرة ناشفه بردو قليل جداا ونص معلقة كركم ورشة جوزة الطيب
ولو عندك بهارات الكبسة حطى معلقة صغيرة ومعاهم فصين حبهان
وقلبت كله مع بعضه وسيبته حوالى 5 دقايق بس شرب ميته وحطيت عليهم الرز
بعد ما غسلته كويس وصفيته من ميته وحطيت معيار الميه بتاعه وسيبته على نار عاليه
وبمجرد ما شرب ميته تهدى النار خااااااااااااالص
غطى بقى عليه وسيبيه حوالى ربع ساعه والنار هاديه خالص بعدين قلبيه فى الاخر خالص بعد ما يستوى