. نشكل بقه العجينه ونحشى وننقش او نكبس براحتنا خالص
. نسيب الكحك يخمر براحته حوالى ساعتين او تلاته
دى صوانى كبيره من الفرن اللى جمبنا
اجرناها منه ودخلناها الفرن بتاعنا بتاع البوتجاز
طريقة التسويه
الفرن نسخنه على حرارة 160 الى 170 عشر دقايق
ونولعه من تحت بسسسسسسس
والكحك بيتسوى على حرارة هادية بامر الله
لانه لو الحرارة عالية عليه هيتحرق من بره ومن جوه يفضل عجين
والطريقة اننا نولع النار تحت ونحط صنيتين تحت وصنيتين فووووق عالرف
ونقفل عليهم الفرن لمدة ربع ساعة عشان يستوي على خيرة الله
.. نسوى الكحك
شوفوا التسويه
..والكحك سخن نرش عليه السكر علشان يشربه ويمسك فيه
دى كمية الكحك كلها 2 كيلو
شوية ملاحظات :
انا استخدمت سمنه نوعها كويس وعليها سمنه فلاحى فمقدار السمنه قللته عن اكيلو
لكن مثلا انتى لو هتستخدمى سمنه روابى مثلا او جنه
هتحطى كيلو سمنه كامل على 2 كيلو دقيق
علشان مقدار السمنه عامة بيكون نص مقدار الدقيق
ده الكحك المظبوط
. السمسم فى منه انواع
فى نوع تلاقيه ابيض :
ده هنستخدمه ازاى
هنعمل حفره فى نص الدقيق وننزل بالسمنه المقدوحه عليه علشان يحمر
وفى نوع تانى احمر :
ده اللى انا استخدمته
قلبته مع القيق ونزلت عليهم بالسمنه المقدوحه
. لو حسيتى ان العجينه ناشفه معاكى زودى ليها لبن او زبادى
. لو لاقيتيها ناعمه خالص زودى مايه علشان يمسك نفسه شويه
. الكحك اللى انا عملاه ده زى كحك العروسه بيبقه ناعم كده وبيدوب فى البوق وزى ما اتفقنا لو عاوزينه خشن شويه زود مايه
. كمية ال 2 كيلو كحك عملت معايا فى التسويه 2 صاج كبير من بتوع الافران
وفى التخزين عملت معايا جردل 5 كيلو
حطيت كيس كبير جوه الجردل وخزنت الكحك
وربطت الكيس
وغطيت الجردل بالغطا
مممممممممممممممممممممممممممممممممم
تسلم ايدك يا سمورتى
وتسلم ايد مامتك هى الخير والبركة طبعا
ما شاء الله شكلة حلو اووووى وباين ان طعمة حلو بردة
بس بدى دوق ههههههههههههههههههه
تكلوة بالهنا والشفاء حببتى
تم التكريم
والتقييم
|
هههههههه الله عليكى انتى
منورانى
هاتيلى شوية بعد الفطار
شكرااااااا يا قمر
|
تسلميلى يا سمسمه
طبعا ماما الخير والبركه
وعلى فكره الموضوع ده من السنه اللى فاتت
قولت انزله دلوقتى علشان ده وقته
وان شاء الله هنعمل احنا الاسبوع ده الكحك والبسكوت بتاعنا لو قدرت اصور اكيد هنزل الطريقه بالخطوات ولو مقدرتش يبقه خلاص انا قمت بالواجب معاكم اهو ونزلتلكم موضوع الكحك وموضوع البسكوت
وتسلميلى يا قلبى على التكريم