الاول هتكلم عن الاضرار اللى ممكن تنتج عن الموضوع دة
لما الراجل يطلب دة بيكون فى اشد الحاجة للج** وانة يفرغ الطاقة الجنسية اللى بيحتاجها كل راجل فى الدنيا
وبتبدا طبعا بعد شهر او شهرين لما الزوج يسافر برة البلد عشان عقد عمل كويس ومرتب كبير يقدر منة يحوش ويشترى شقة او ارض وخلافة
بس بطلب من كل زوج عندة فرصة سفر برة انة يفكر ويعمل مقارنة بين العقد والفلوس وبين زوجتة واهل بيتة بمعنى انة لو شايف انة هيقدر ياخد زوجتة معاة خلال اربع شهور او حتى ست شهور يسافر لكن لو هيستمر فى الغربة من سنة لسنتين من غير مايشوف اهل بيتة يبقى الاول يفكر بالعقل عشان زوجتة ولو فى عندهم اطفال.
هلاقى راجل هيقول ما انا بتغرب عشانك وعشان الاولاد
عندة حق البلد مش فيها اى فرصة لأى امل او استقرار لكن وجه المقارنة والمقايضة كبير ومش فى كتير واخد بالة سواء الراجل وكمان الست
يعنى فى واحدة ممكن تكون على خلاف دايم مع جوزها بسبب فلوس او معاملتة ليها ولما تيجى فرصة شغل لية وعقد كوبس تقولة سافر اهوة تامن مستقبلنا وهيا من جوها بتقول انة تاعبنى يمكن يسافر يتعدل حالة وانا بالمرة افضل مع ماما لحد ما يرجع او يبعت وياخدنى رغم انها عند امها ممكن تتعب اكتر معاملة ماما ليها او تاخد على خاطرها لما اختها تيجى تزور امها وتلاقى كمية احتفال كبيرة من امها لاختها وجوزها طبعا امها مش بتكون ظالمة لكن دى واحد بيتجى تزورها على فترات متباعدة وبالتالى صعب انها تقصر فى حقها فى اليوم دة وكمان الام ممكن تكون صحتها على قدها فتطلب من بنتها المقيمة عندها انها تجهز معظم الاكل وكمان تشيل وتحط
فى ستات بتقدر وتفهم الموقف دة وفى كتير لاء ونص اللى بيقدرو بيزعلو بردو
بردو من المواقف اللى بتحصل قدامها وتضيايقها فى نفسها ومش تقدر تتكلم لما تشوف اختها جوزها يطبطب عليها او يضحك معاها او فجاءة تدخل تلاقيهم فى بينهم شئ من الغزل او المداعبة العالية فى الاحساس.
او راجل يدعى ان زوجتة قدم نحس ويقول اجرب حظى فى بلد تانية يمكن يتعدل حالى ولما يسافر هوة دة اقرب راجل للخيانة لانة فى الاساس غير راضى عن عيشتة والمقسوم لية وبالتالى لو اتوفرت لية فرصة خيانة مش بيتردد انة يعملها ويبرر لنفسة انها كانت بتزهقة وتزن ومملة وكلام اكتر
لكن فى امثلة غيرهم كويسن بيفكروا للاصلح والاحسن وانهم يكونوا فى مستوى افضل بكتير.
لاكن انا بس حابة انى اتكلم فى موضوع غريب ومستفز بشكل رهيب
وهوة ان الراجل يسافر ويطلب من زوجتة انها تعرض جسمها لية
المبررات والدوافع اللى بيتكلم بيها الزوج كلها غلط
زى انتى مراتى ولازم تعفينى ودة فرض عليكى وكمان ممكن لما تصمم فى الرفض يفضل بالاسبوع والشهر مش يبعت حتى رسالة ياهو ولاحتى هوتميل وكل دة عشان هوه هوت على روحة ومش مقدر المشاكل والاضرار الكبيرة الناتجة من الموضوع دة على الراجل وكمان على الست اللى هيا كمان بتشتكى من بعدة ومش تقدر تصرح بدة بشكل واضح ولا كمان انها تخرج وتمارس امور الحية بشكل طبيعى زى ما كان جوزها موجود لان بردو المجتمع بيبص للست اللى جوزها مسافر انها صيدة وسهلة ومحتاجة ********* ويقول لنفسة طب ما اسلم عليها ولو معاة كام شنطة اساعدها وكمان اعرف الدنيا بقت بايظة معاها لحد فين ويبدا يسالها اخبار استاذ فلان اية الا هوة نازل امتى .ياالله؟ هوة مش مسافر من كام شهر وهيكمل السنتين لوحدة كدة يالا ربنا يقرب البعيد ومش عاوزة حاجة والنبى بجد دة فلان اخويا وانتى مرات اخويا والنبى جد امرى وكمان اوقات يلمح تلميحات فارغة لو لقاها شايلة شنط تقيلة لا عنك انتى تعبانة انتى هتستحملى اية ولا اية
فى ستات كتير ممكن يقابلهم مواقف زى دى وفى مواقف غيرها مش ضرورى اوضحها اكيد فى منكم كتير شاف او سمع عنها مع ناس تعرفهم او ليهم هما شخصيا
الاهم من المواضيع دى يا جماعة والله ولازم كل واحدة تقرا كلامى تفهم كل حرف فية وكمان تفهموا لغيرها
انتم على شبكة انترنت عالمية يعنى كل العالم والهكر موجود وممكن يكون فى هكر على جهازك او جهاز جوزك او الشبكة اللى انتم عليها
مثال بسيط وياريت كل واحدة تجربة فيكم عشان تعرف ان الاختراق والهكرز متاح لناس كتير
ادخلى اكتبى فى جوجل شات اسمة شات مصرى وادخلى وسجلى باى اسم مستعار واختارى قد عشرين اسم مستعار وعملى نص شغل او دعايا عن منتج واكتبى رقم تليفون فية وابعتية للعشرين دول كوبى وباست مش هتكملى حتى لحد عشرة وهتلاقى اتكتب ليكى ممنوع ارسال اعلانات تجارية بالغرفة كمان طرد من غرفة الشات
يعنى ادمن اللغرفة موجود وشايف كل الكلام والارقام والمواضيع وعارف مين بيكلم مين واهو دة اسمه شات مصرى مش اسمة العالم العربى كلة مابالك بقى شبكة الانترنت العالمية بقى هتكون عاملة ازاى
نيجى للاضرار النفسية والجسمانية
يعنى الراجل طالب من مراتة انها تقلع هدومها على الكاميرا وهوة يعنى هيكون قاعد بيصلى وقتها ؟
طبعا لا هيكون بردو فى وضع تانى خلينا نكون صرحا مع بعض ونتكلم دون كسوف او خجل .انا عندى اتكلم كلام ممكن يكسف او اسمعك كلام يكسف احسن ما واحدة تقع فى الموقف اللى جارتى وقعت فية وكان سبب فى طلاقها وكنت عملت موضوع ليها عشان البنات تخاف وتتعظ من اخطاء الاخرين
الراجل بيطلب انها تعرض لية وبالتالى هوة كمان هتحصل لية اثارة
وينتج عنها انة بردو هيكون من غير هدوم وطبعا هوة بيتمنى زوجتة اللى هية دلوقتى اصبحت صورة مش روح و لحم ودم واحساس
اصبحت العلاقة الحميمة بينهم بقت صورة وميك
وطبعا الناتج فى العملية دى ان الست بيجلها اثارة لكن دون اشباع كامل
والراجل بردة اثارة دون اشباع لانة بيوصل لنتيجة القذف لاكن بينقص عندة الملامسة والشعور بالزوجة وبالتدريج الراجل بيلاقى نفسة بيتفرج على زوجتة مرة واتنين وعشرة وعشرين وفى الاخر بيوصل الامر معاة انة يتفرج على افلام اباحية عشان بردو يوصل لنتيجة القذف لانة بعيد عن ممارسة العلاقة الحميمة الشرعية ولجاء لبدائل تانية واصبح عندة اقل شئ واجمل شئ انة يستمتع بالقليل دة وطبعا دة ناتج عن انة اليوم مش مكفى الشغل والاكل والراحة والنوم وكمان الناتج الاهم والاكبر انة يبدأ يعانى من سرعة القذف وكمان اقل شئ ممكن يكون سبب اثارة جنسية عندة
نيجى للزوجة
الست تتحاج الاحساس بالراجل مش تحتاج تشوفة على الكامير او يقولها كلام خاص بالعلاقة ولو واحدة تقرا كلامى وليها تجربة سابقة مع جوزها على كاميرا وميك تلاقى نفسها اول مرة ممكن تكون شبة مبسوطة لانها بترجع زكريات لحظات حميمة كانت من فترة كبيرة ومع الوقت بيصبها ارهاق نتيجة وجود طلب دون تلبية كامل الطلب وكمان يصيبها نوع من الملل نتيجة فقدان الشئ ومع الاستمرار فى دة بتلاقى نفسها فى فيلم عرض مستمر وبتكمل فى دة وهيا بقت مش حابة دة بالمرة لانها بتحس انها بقت ممثلة ليست انسانة زى كتير بتشوفهم فى حياتها معاهم ازواجهم ووالله فى ستات بيضعفوا ويقعوا فى غلط و لو بتكلم رجالة بشكل دائم ممكن تقع فى علاقة كاملة وبتحصل ويكون فيها ندم حتى ولو مرة واحدة وبالتالى بيأثر بالسلب على نفسيتها وعلى تصرفتها مع الاولاد
طبعا كل الامور اللى زكرتها دى على الراجل والست بتكون فى حالة وجود حب واخلاص وخوف من ربنا
اما فى حالة عدم وجود الحب والاخلاص والخوف من ربنا طبعا النتيجة معروفة للطرفين وهيا **********
لما بلاقى موضوع واحد تكتب تقول جوزى طلب منى كاميرا وكدا بلاقى الحقيقة ردود تحرق الدم وكلام من القلب مش من العقل زى مثلا واحدة تقول اسمعى كلامة واعملى اللى يطلبة منك دة جوزك وحرام عليكى واسمعى الكلام بدل ما يبص برة .
زى ما زكرت فى كلامى ان اللى بيتعمل على الكاميرا ما هوة الا فيلم لعلاقة حميمة من طرف واحد الفرق بينها وبين اى بنت بتعرض نفسا ان الست دى زوجتة يعنى الراجل وقتها هيكون عندة اثارة ولازم يحقق الغريزة اللى عندة ومش هيستمر كتير بالشكل دة ان حياتة الجنسية اللى هيا مهمة عند كل راجل انها تكون صوت وصورة اللى فى الاخر بيلجاء لعلاقة او تجربة لمرة او مرتين على فترات ويصبر نفسة ويقول سامحنى يارب ان مش قادر وكل مرة يقول اخر مرة ورغم انة عارف ان ممكن يكون مش هيترك الامر دة الى ان يرجع بلدة وطبعا لما بيرجع مش بيقول لزوجتة و لو كان حد مخلص قبل مايسافر بيتحول لغير مخلص ومش بيرجع نتيجة انة جرب شئ ومش عمل اى مشاكل ومحدش عرفة
زى ما وضحت صوابعك مش زى بعضها فى ناس وناس
لكن الدين هوة اللى بيقرب الانسان لربنا والبعد عن ربنا هوة اللى بيقرب الشيطان وبيكون ضعيف قدام رغباتة سواء راجل اوست.
الكلام كتير عن الموضوع قوى بس اللى يفكر بعقلة ويشوف بعينة
فى النهاية ادعى ربنا يرجع البعيد ويلم شمل كل زوجين يارب العالمين
منقول للفائدة
|
نورتنى ياقمر
لازم الكل يشوفوه وياخدو الحذر خصوصا الي جوزها
بعيد عنها