ازيكم حبايبى طبعا انا عارفه ان كلكم تحبوا توفروا فى الوقت فى رمضان علشان العبادات والصلاة وقراءه القران فحبيت اقول لكم على شويه افكار يارب تعجبكم انا بعملها كل سنه والحمد لله بيكون الوقت معايا كتير – وزى ماحنا عارفين فاضل اسبوع ورمضان يبدا وكل سنه وكلكم طيبين اولا بنقى الارز بكميات كبيره علشان يكون جاهز على الطهى فى اى وقت وكذلك اى نوع حبوب حستعملها فى رمضان .
عمل صلصه طماطم للمكرونه
شراء اللحم وتقطيعه وتعبئته فى اكياس فى الديب فريزر .
وكذلك اللحم المفروم وبفضل اتركه كما هو لحين الاستعمال فيكون طازه لعمل الكفته او العصاج .
وشراء الفراخ وتنظيفها وتفريزها لحين الاستخدام – وكذلك الفراخ البانيه .
تفريز الخضار مثل الملوخيه – لانها بتاخد وقت فى الغسيل والتجفيف والفرم وتخرج مباشره من الفريزر على حله الطبخ لاتنتظرى حتى تفك ولكن ضعى عليها الشوربه الساخنه وكملى طبخها عادى.
وشوى الباذنجان وتفريزه لعمل البابا غنوج
فرم الفلفل الاخضر او الاحمر وتفريزه ليكون جاهز لوضعه فى المحشى او المخللات او مع الباميه .
وايضا تخزين ورق العنب .
عصير طماطم للطبيخ – كل كيس يحتوى على عصير على قد الوجبه .
اما السمك فيفضل يكون طازه احسن لانه مش بياخد وقت فى عمله .
عمل كميه من الشربات للحلويات وحفظه فى برطمان زجاج فى الثلاجه وليس فى الفريزر.
وممكن عمل خضره المحشى – الكسبره والبقدونس والشبت – نغسلهم جيدا ثم يقطع ويوضع فى كيس بلاستيك مع قليل من الماء ليحتفظ بلونه الاخضر وعند الاستعمال يخرج من الفريزر على الخلطه على النار مباشره – لاتتركيه يفك حتى لايفقد لونه الاخضر .
تاكدى من وجود كمية من زيت القلى عندك – وكذلك الدقيق الابيض – والبقسماط – والبيض -وخلطة البشاميل الجاهزه .
هذه بعض الافكار وياريت اللى عندها اى طريقه اخرى تقول لنا عليها علشان كلنا نستفيد وربنا يتقبل صيامنا وركوعنا وسجودنا ويتقبل منا صالح الاعمال ان شاء الله .
وكل عام وانتم بخير وربنا يجمعنا دائما على حبه .
جزاكى الله كل خير
شكرا لك
الخضار اللى ممكن تتلج اقطعها بعد الغسل واحطها باكياس واثلجها بالفريزر
الفلفل الاحمر والاخضر والثوم خلصهم بخلاط الخضار وعبيتهم باكياس بلاستك صغيره وسطحتهم عشان كل ما احتاج اقطع قطعه صغيره واستخدمه
كل سنة وانتى طيبه يا زوزو رمضان كريم وشكرا ع الموضوع