حبيبتي يا سوسو مقدرش ازعلك ابدآ
المقادير :
مكرونة عقل او قواقع او فيوزيللي او فيونكات
مكعبات فراخ بانيه ويمكن الاستغناء عنها
فصين ثوم
بصلة كبيرة
كريمة طهي جهينة
مشروم
فلفل الوان
معلقتين دقيق
شوية لبن
ملح وفلفل
اولا : بسلق المكرونة واغسلها كويس
ثانيآ : في حلة صغيرة بقلي البصل المقطع مكعبات وقبل ما يصفر بحط فصين الثوم وبعدين مكعبات الفراخ وبعدين الفلفل الملون مكعبات واقلب
احط عليهم ملح وفلفل وبعدين المشروم واطفي النار
ثالثآ : في حلة صغيرة تانية بقلب معلقتين دقيق صغيرين واحط عليهم اللبن ( نفس طريقة البشاميل بس خفيف شوية )
وبعدين اطفي النار علي البشاميل واحط الكريمة
الغرض من البشاميل ايه … لاني لو حطيت الكريمة بس علي المكرونة هتسيح زي السمن ومش هتبان .. لكن الدقيق بيخليلها سمك وطعم حلو اوي
بس اوعي الصوص الابيض يبقي سميك ( بيبقي خفيف زي الكريمة بالظبط )
خلاص خلصنا الثلاث خطوات
ملحوظة : اوعي تحطي المكونات علي بعضها الا عند الاكل عشان هيلصقوا في بعض
خلي كل حاجة لوحدها
الخلطة لوحدها
والكريمة لوحدها
والمكرونة لوحدها
عند الغرف تقلبي كل المكونات علي بعض ولو عندك مايكروويف يكون احسن في التسخين
تسخني لمده دقيقتين مش اكتر عشان الكريمة ماتختفيش
الاكله دي شفتها في التليفزيون بس انا بحب اشيل حاجات واحط حاجات لاني بحب اخترع في المطبخ
بالهنا والشفا
تسلميييييييييييييييييلي
وصفه حلوووووووووووة اوي…
بألف هنا يا سوسو
وانا كمان عايزة اكله ليا احسن اعتصم
ههههههههه
