ملوخيتي النهاردة بالارانب
و اذا ذكرت الارنب ذُكرت الملوخية و العكس صحيح
هناك علاقة وطيدة بين الملوخية و الارانب
و ما ننساش فوائد
الملوخية
انها
تقوّي القلب وتجلي النظر و تضبط مقدار السـُّكـَّر في الدَّم وتكافح هشَاشَة العظام
ندخل بقي علي الطريقة
كفاية رغي
هنجيب ارنوب لذيذ و عسول
و بعد ما ندبحه و نغسله و ننضفه بالملح و الدقيق و الليمون
نعمله شوربة بفصين مستكة و شوية هيل
نكون خطرنا الملوخية لو مفيش عندك مخرطة اصرفي و اعمليها زيي في الخلاط
و عموما كل كوب ملوخية بياخد كوب شوربة
و تخلطي الملوخية بالشوربة
و تخلي كام قطعة ارانب في الملوخية
و الباقي
هاتي سمنة بلدي و حمري الارانب فيها
و خليكي كريمة
عشان السمنة دي اللي هتحتفظ بالبهريز و طعم الارانب
و هنعمل فيها طشة الملوخية
و بعد ما تتحمر و تاخد اللون الدهبي الجميل
مكان تحمير الارانب اعملي احلي طشة للملوخية
معلقة كبيرة توم مفروم
معلقة صغير كسبرة ناشفة
مرقة دجاج
و طشي الملوخية
و قدميها مع رز ابيض
او عيش
و سلطة خضرا
و بتنجان بالشطة و التوم و بالف صحة و هنا
واحللللللللللللللللى تقييييييييييييييييييييييم
يسلمو ايديك يا قمر
تسلم الايادي
تسلم ايدك
