طريقه عمل حلاوه المولد من مطبخى كل عام وانتم بخير اعاده الله عليكم اعواماً عديده بالخير وهنقدمها على اجزاء
الوصفه الاولى وهى السمسميه , والفوليه , والحمصيه
هو العسل واحد الاختلاف فى المكون الاساسى زى الحمص والسودانى والسمسم او اى نوع مكسرات انتى عايزاه
المقادير :
العسل :كيلو سكر
نص ك عسل جلوكوز
معلقه كبيره ماء زهر
نص معلقه صغيره ملح ليمون
2 كوب ماء
ربع كيلو سمسم
ريع حمص مقشر
ربع سودانى
الخطوات بالصور :
بنحط المقادير دى كلها على النار السكر والعسل وملح الليمون والماء وماء الزهر ونسيبها تغلى لحد ما تتقل
ونجيب المكون اللى تحبى تعمليه وليكن الحمص ندفيه بس فى حله ونحط عليه جزء من العسل مش كتير ونقلب ونرفعه من عـ النار بعد حوالى دقيقتين
نكون مجهزين صنيه اللى هنفرده فيها وتكون مدهونه زيت
نفرده كويس حسب السُمك اللى تحبيه وهو سخن نحدده بالسكين زى كدا
ولما يهدى خالص تقطعه من المكان اللى حددناه
ونكمل بنفس الخطوات كل المكسرات اللى انتى عايزاها وبيكون كدا فى الأخر
يارب يكون عجبكم
بالف هنا
هههههههههههههههههه
ما شاء الله عليكى
يسلمو حبيبتى ومبروك التكريم
والى المفضله
والف شكر على التكريم
أحلى خمس نجمات لعيونك
