مين زيي بتكره تدخل المطبخ لما يكون البوتجاز مش نضيف اكيد فية كتير و كتير كمان بيكرهوا تنظيف البوتجاز اصلا و بيكرهو المطبخ ( زيي بالظبط) لو زوجي سال مين اللي بتتكلم دي مش انا ok
صراحة عندي شوية نصائح ممكن نستفيد منها جميعا
1- عند تنظيف البوتاجاز من الافضل و ضع كمية من الماء الساخن والخل ونقطة جاز او كلوروكس على سطح البوتاجاز قبل ازالة الدهون لان هذة الخلطة تعمل على اذابتها
2- عند تنظيف البوتاجاز من الافضل احضار دلو به ماء دافئ + خل + كلور ( كلور كمية صغيرة جدا ) و ننظف بليفة متوسطة الخشونة حتى لا تجرح السطح الخارجي و الاجناب
3- بيترسب بعض الدهون في الحواف الجانبية للبوتاجاز ممكن ازالتها بحرف سكينة النقاشين اذا لم يكن باستطاعتك فتح الوش الخارجي
4- عيون البوتاجاز يتم تنظيفها بغليها على النار في قدر فية ماء و اريال و خل لمدة 15دقيقة وهتشوفي النظافة رجعت زي ما انت شرياها
5- ممكن نعمل كدة مع استندات العيون بس ما تتغلى على النار لانها بتكون من خامة سهلة الكسر بس بننقعها في ماء دافئ و خل واريال لمدة ساعة و شوفوا النظافة
6- عاوزة اقول حاجة مهمة نقع العيون و الستندات يا ريت ما تتعمل كل مرة تغسلي فيها بوتاجازك لحسن كدة هتجيبي اجلها بدري و تدعي عليا بدل ما تتدعيلي كفاية مرة واحدة في الشهر او كل شهرين مرة
7-فى ناس بتعمل اوشاش لمفاتيح العيون بس صراحة انا ما جربتهاش بس اعتقد انها هتكون جميلة وخاصة لو الوانها متوافقة مع الوان المطبخ و ستحمي من السخونة اللي ممكن تاذى يدك ومعرفش اصلا بتتعمل ازاى يا ريت اللى تعرف حاجه عن كده تقولنا
Thanks alot Malak
شاطرة يا ملك والله بس في ناس كمان بتجيب العيون المخرمة اللي بتخرج منها النار دى (أكيد فهمتيني بأمر الله)وبعدين تلفها في ورق فويل وتخرم مكان الأخرام بسلاكة أسنان بس أنا لسة ماعملتهاش
لما أعملها بإذن الله هقولك ويعطينا ويعطيكي ربنا طولة العمريا قمر
لما أعملها بإذن الله هقولك ويعطينا ويعطيكي ربنا طولة العمريا قمر
تسلم ايدك على النصايح
مانتي شاطرة اهو امال اية الكلام النتي قولتية دة بصي بالنسبة للمفاتيح ممكن نجيب لزق اسمة اشكرتون الوان ونلفة علي المفتاح وبكدة يبقي شكل المفتاح حلو وهايفضل نضيف
تسلمى يارونا