(رب اشرح لى صدرى ويسر لى امرى واحلل عقدة من لسانى يفقهوا قولى )
اما بعد
انا جيت النهاردة لكم علشان اشارك معكم فى حفظ القران
ومع الحفظ نتعلم شوية تجويد علشان تكون قرائتنا صحيحة
وناخد الاجر كامل
الاول عايزين نعرف يعنى ايه تجويد
التجويد معناه علم يعرفنا الالتزام باحكام وقواعد تلاوة القرآن الكريم وهو من اشرف العلوم التى يجب ان نتعلمها والاولى فى تعلمها
القران الكريم له اربع مراتب فى قراءته :
المرتبه الاولى :الترتيل وهى قراءة القرآن بتأنى واطمئنان واخراج كل حرف من مخرجه الصحيح
المرتبه الثانيه :التحقيق وهى اكثر اطمئنان من الترتيل
المرتبه الثالثه:الحدر وهى الاسراع فى القراءة مع مراعاة احكام التجويد يعنى القراءه بالتجويد
المرتبه الرابعه :التدوير وهى درجة متوسطه بين الترتيل والحدر
والترتيل افضل المراتب لقوله تعالى(ورتل القرآن ترتيلا)
عذرا انا طولت عليكم بس لازم نعرف الكلام ده قبل تعلمنا للتجويد علشان نتعرف على العلم الذى نتعلمه
*اول درس نتعلمه فى التجويد هوا ((النون والميم المشددتين ))
احنا عندنا الحروف الابجديه 28 حرف له مخرج وله مكان فى خروجه من اللسان بمعنى مثلا النون غير الباء فى النطق
الثاء غير الخاء فى النطق ……..وهكذا
واكتر احكام التجويد بتكون فى الميم والنون لان احكامهم كتير
((الميم والنون المشددتين*))
النون والميم المشددتين اما ان تكونا فى وسط الكلمه او اخرها لان مفيش حرف مشدد فى اول الكلمه
الحرفين دول لهم حكم واحد وهو((الغنة))
وهو صوت يخرج من الخيشوم ومقداره حركتين
يعنى ايه خيشوم الخيشوم هو الانف وبمعنى اكتر ان الحرف بيخرج من الجيوب الانفيه
((معلش يا دكتورة منه خدنا تخصصك دقيقه))
اوضح لكم اكتر احنا لما نيجى ننطق حرف الميم او النونبالغنه نسد فتحتين الانف وننطقهم نلاقى الحرف بيرن معانا فى نطقه ومعنى الحركتين يعنى كأننا بنفرد صوابعنا او بنتنيها كأننا بنعد واحد اتنين
والنون والميم دول هنلاقيهم كتير فى جزء عم واكتر مثال سورة الناس كلها غنه (انا اسفه جدا لانى مش بعرف احط لكم الايات بالتشكيل ويا ريت اللى تعرف تقولى علشان الدروس تكون سهله امامكم ويا ريت اختى حبيبه توضع الايات اللى فيها التشديد علشان تتطبقوها)
وده كان اول درس فى التجويد ارجو انى مكنتش تقيله عليكم وتستفيدوا من الدرس واحب اعرف تعليقاتكم ومشاركتكم علشان تعطونى دفعة حماس 
واكمل معاكم وفقنا الله جميعا لفعل الخير والثواب
مجهود رائع وياريت تكملى
ودا موضوع يفيدك من حيث الامثلة ::
تعالوا نتعلم أحكام التجويد..
|
منورة ياقمر 
جزاكى الله كل خير وما شاء الله عليكى فى اختيار الموضوع
|
بارك الله فيكى ومشكورة على مرورك لصفحتى اهلا بيكى يا قمر
