وبالأخص العدولات اللى بتشتغل ومش لاحقة تعمل اكل
انا جايبالكم النهارده طريقة جمبرى فى خمس دقايق بس
تصدقوااااااااااا
والفكرة دى من اختراعى
وبقيت اعملها على طول
اصلى بحب الوصفات السريعة فى الأكل
وبجد الطبق ده سهل وسريع ونتيجة للطعم ما فيش اروع من كده 
وكمان ينفع فى عزومات السمك كطبق جانبى
وبيتعمل ساعة التقديم لانه مش مستحب انه يتسخن تانى
شوفوا بقى صورة الطبق قبل ما نبدا واحكموا
ها ايه رايكم؟
جميل مش كده 
وطعمه احلى مليون مرة
ياللا بقى اقولكم على الخطوات
بسم الله الرحمن الرحيم
المقادير
1/2 كيلو جمبرى وسط بقشره
معلقتين زبدة صغيرين
معلقة زيت
3 فصوص ثوم متقطعين او مدقوقين
كسبره خضراء متقطعة
ملح وفلفل
معلقة صغيرة خل
معلقة صغيرة عصير ليمون
الطريقة
1– واحنا بنغسل جمبرى نشيل راسه بس ونخليه بقشره ونحطه فى مصفى
2- نحط معلقتين زبدة وملعقة زيت فى طاسة على النار ونحط الثوم ونقلب وبسرعة نحط الجمبرى
(الجمبرى بيستوى بسرعة يا ريت ما تزودوش عن دقيقة ونصف لكل جهة من الجمبرى عشان مش يجلد)
3- نحط ملح و فلفل وعصرة ليمون ومعلقة الخل الصغيرة وتقليبة سريعة
4- نحط الكسبرة الخضراء ونطفى النار
على النار كل ده مش بياخد غير 3 دقايق
ودى صورته فى طبق التقديم
وبجد الصوص بتاع الجمبرى تحففففففففففففففففة
بيتاكل بالعيش بيبقى طعمة روعة
وانا ساعات احط معاه عيش او ارز
والمرة دى قدمته مع طبق ارز احمر
وسلطة حمص بطحينة جاهزة بس ضيفتيلها معلقتين زبادى
والطبق ده هدية منى لكل العدولات
اللى ها تنورنى
اتمنى الطبق ينااااااااااال الاعجاااااااااب
|
تسلمى يا حبيبتى من كل سؤ
انتى على طووووول متابعة ربنا يكرمك ياقلبى
شكراااااا
|
ياحبيبتى
ربنا يخليكى
متشكررررررررررررررررررة على المرور الجميل دة
