السلام عليكم حبيباتي انهاردة حبيت اشارك في المطبخ بتجربتي في عمل الكاتشب الي بناتي بيحبة اوي مع البطاطس والفراخ يلا كفاية رغي بقة ونخش علي الفيد المقادير هاتي كيلو طماطم حلوة كدة ومدلعة وراس بصل وراس ثوم صغيرة مقادير التتبيلة ربع كوب خل معلقة سكر معلقة ملح ربع ملعقة فلفل اسود وزيها كرفس ناشف من عند العطار نيجي بقة للطريقة بصي يا ستي هاتي حلة ونشيفيها كويس قطعي البصل وحطي الثوم وقطعي الطماطم اربعه وحطيها علي النار لما تغلي وطي النار شويه لحد ماتستوي استوت يالا جهزي الخلاط وحطي الطماطم والبصل والثوم اضربيهم ضربة كويسة هاتي مصفة ضيقة وصفي المقدار بتاعك ورجعية الحلة تاني وضيفي التوابل الي قلتلك عليها ورجعيها النار تاني بس علي نار هادية لمدة عشر دقائق كدة وتسبيها تبرد خالص وتجيبي برطمان نضيف وتصبيها فية وحطيها في الثلاجة لوقت الطعام 
ويارب يعجبكوا وبالهنا والشفا ويارت الي تخش تدعيلي دعوه حلوة
لحسن التلاتة هيجنوني اوي
ويارب يعجبكوا وبالهنا والشفا ويارت الي تخش تدعيلي دعوه حلوة لحسن التلاتة هيجنوني اوي
جزاكى الله خيرا
تسلم الايادي على هذه الوصفة ، انشالله نجربها !!!
شكرا كتيييييييييييييييير
تسلم ايدك
تسلم ايدك
تسلم أيدك يا قمر وربنا يخلي لك أولادك اللي هيجننوكى وكلنا عيالنا جننونا خلاص تسلمي ياقمر
ربي يخليهم ليكي وتسلم ايديكي
الله يجزيك الخير
الله يجزيك الخير