السلام عليكم ورحمه الله وبركاته
سؤالى مختصر
بتدعى لزوجك او خطيبك فى الصلاة ؟
اوعى تكونى ناسياه
طيب اسمعى كلام الرسول عليه أفضل الصلاة والسلام
(لايرد القضاء الا الدعاء )
صدقت يا رسول الله
طيب وهدعيله بايه هو مش تعبان ولا جعان ولا زعلان
طيب هو لازم يكون زعلان ولا لازم يتعب
ولا احنا مندعيش الا عند المصائب لا قدر الله
طيب تعالى كده معايا
°l||l° حل سحرى لعيوب الزوج °l||l°
لو جوزك مبيصليش ادعيله
بدل ما تقعدى انت وانت وحرام عليك كده وصلى بقا وهاتك يااا زززززززن
متطلبيش منه هو
اطلبى من اللى يقدره ع كده
ربنا سبحانه وتعالى
°l||l° حل سحرى لعيوب الزوج °l||l°
لو جوزك بخيل ادعيله
بدل ما انت بتستخسر فينا يا راجل
روح شوف الناس بتجيب ايه
متطلبيش منه هو
اطلبى من الاكرم منه
ربنا سبحانه وتعالى
اطلبه منه يهديه ويكرمه بصفة السخاء
°l||l° حل سحرى لعيوب الزوج °l||l°
لو جوزك مش بيغض بصره ادعيله
بدل انت يا راجل مش مالية عينك
ده انا 100 واحد كانوا يتمنونى
ادعيله ربنا يهديه عن المرض ده
°l||l° حل سحرى لعيوب الزوج °l||l°
لو جوزك عصبى ادعيله
بدل ما تزعقى معاه وتعندى معاه
وكلمة بكلمة ورد برد
ادعيله
ادعى ربنا يرحمه من مرضه
لان العصبية مرض
استغفرى ربنا كده وسامحيه من جواكى ع كل حاجة قالها
فى لحظة غضب وادعيله ربنا يهديه ويشفيه
°l||l° حل سحرى لعيوب الزوج °l||l°
لو جوزك مرتبه قليل ادعيله
بدل ما كل شهر هما دول هيكفوا
انت فاكر نفسك كده فاتح بيت
يا راجل اتلحلح
مش بأيده
طيب هيعمل ايه
اطلبى من الغنى
ادعى ربنا انه يكرمه ويرزقه من حيث لا تحتسب
°l||l° حل سحرى لعيوب الزوج °l||l°
ودى جزء من امثله لا تعد ولا تحصى
بدل ما تيأسى
وتقعدى تشغلى اسطوانة كل عيب فيه
وتطلعيه وتنكدى ع نفسك وتنكدى عليه
ادعى الفرج من عند ربنا
مش من عند حد تانى
لعل وعسى
ربنا يستجاب منك فى مرة
بس ادعى وانتى عايزة
ادعى بالحاح
متستخسريش الدعاء
ادعى فى كل صلاة
فى كل وقت تفتكرى فيه عيب من عيوب زوجك
°l||l° حل سحرى لعيوب الزوج °l||l°
اوقات استجابة الدعاء
* الدعاء ما بين الأذان والاٍقامة
* وعند نزول المطر
* ودعوة الصائم اذا أفطر
* وفى التلت الأخير من الليل وقت التهجد لأن الله تبارك وتعالى ينزل فى ذلك الوقت كل يوم وينادى هل من داع فأستجيب له..أو( هل فيه حد عنده مسألة فيعطيها له فيما معناه )
* كما أنه أقرب ما يكون العبد من ربه وهو ساجد فأكثروا الدعاء ..عن نص حديث رسول الله صلى الله عليه وسلم
°l||l° حل سحرى لعيوب الزوج °l||l°
ع فكرة
ان شاء الله ربنا يستجاب
وملحوظة صغنونة : مش بس زوجك لو خطيبك لو والدك لو والدتك لو اخوكى
يارب تعجبكم
في انتظار الردود والتفاعل والمشاركات
والتقييييييييم طبعااااااااااااا
في حفظ الله يا عدولات
لااااا للخمول
تسلم ايدك غاليتى
طرح رائع
