لكل ام لسة اولادها ما دخلوش المدرسة خلى بالك واوعى تعملى زيى..
باختصار ومن غير ما اطول عليكم لما اولادى دخلوا المدرسة من 6سنوات ارتكبت خطأ كبير وهو انى خليتهم يعتمدوا على تماما فى مذاكرتهم وتحضير دروسهم وشرحها..
طبعا فى مرحلة الروضة بيكون الامر ضرورى لانهم لسة بيتعلمو ..
لكن استمر الامر الى ما بعد ذلك.. الواجب لازم يعملوة امامى لا اكتفى بشرح المدرسة واشرح من اول وجديد مرة واتنين واكتر..
فى نهاية الاسبوع الخص كل اللى اخدوة فى صورة اسئلة وهما يجاوبوا عليها كنت بافضل طول الليل اكتب فيها..
بس من السنة اللى فاتت بدأت اتعب خصوصا مع تزايد مواد الدراسة ووجود طفلين تانيين لسة صغيرين ومحتاجين وقت وعناية كبيرة ..
كمان لاحظت ان اولادى اتعودوا على كدة ومهما اخذوا الدرس فى المدرسة لازم انا اشرحة علشان يفهموة …
من هنا كان لازم يكون فى وقفة ومحاولة للتغير بدأت اسحب نفسى منهم واقولهم انتم كبرتم ولازم تعتمدوا على انفسكم ..
لازم تذاكروا بنفسكم ولما تحتاجوا حاجة او حاجة موش فهمينها انا اشرحها ليكم ..
طبعا هما فى البداية ماكانوش متقبلين الامر دة بس انا اصريت علية بس لسة بيعتمدوا على فى حاجات كتير صحيح موش زى الاول ..
علشان كدة ياريت كل ام تعود اولادها انهم يعتمدوا على نفسهم من البداية ويكون لها دور الاشراف عليهم وبس ..تقبلوا محبتى وودى.
المشكله الجيل الجديد كله كده لو مكنش انتى حيبقى دروس خصوصيه مش عاوزين يعملو مجهود
انتى عندك حق على فكره وانا اعرف ولاد كتير كده بيعتمدو على امهاتهم جدااااااااااا فى الواجب والمذاكره وده طبعا مرهق جدا بالنسبه للام جزاكى الله خيرا
كلام صح الصح
مشكووووره
يتصفح الموضوع حالياً : 8 (2 عدلات و 6 زائرة) مملكة الأحلام, أختكم في الله