– أغلب المتحرشين بالأطفال بيكونوا ناس ليهم صلة بالطفل
يعنى حد من الأقارب "وخصوصا المراهقين" أو سواق اتوبيس المدرسة أو بواب العمارة او حد من الجيران أو الدادة بتاعة الطفل
ودول أكتر ناس تحرصوا منهم
يعنى ماتسبيش طفلك يروح عند الجيران لواحده..لازم تبقى معاه إحتياطى طبعا مش بنقول تشكى فى كل جيرانك
وطبعا مايقعدش مع البواب لواحده..
وتاخدى بالك من لعبه مع بعض أقاربه الكبار
اما الدادة فلازم تدقكى فى اختيارك ليها
وحرصك ده برضه مش كفايا..لازم تكونى موعيه طفلك يتصرف إزاى لو كان لواحده
– وتعرفى طفلك مافيش أسرار على ماما وبابا
لان ممكن المتحرش يلعب مع الطفل لعبة ويقوله خلى اللعبة دى سر ويتحرش بيه…
كمان فى متحرشين بيهددوا الطفل فيخاف منهم ويسمع كلامهم..
أو يقول للطفل لو ماما عرفت انك لعبت اللعبة دى هتضربك وممكن ترميك فى الشارع وبابا ممكن يقتلك عشان الاباهات مش بيحبوا اللعبة دى
فالطفل يخاف ويفضل الموضوع سر لحد ما بالتدريج التحرش هيبقى إعتداء جنسى خطير
فلازم تبقى معرفاه اى حد يهددك او يخوفك تقولى عليه وماتخفش لو قولتلى لان ماحدش يقدر يضرك وانا معاك
وان اللى بيخوفك ده بيعمل كدا عشان عارف انك لو قولتلى أنا هحميك منه وكمان هعاقبه انه هددك فخايف إنك تقولى
وممكن تطمنيه من خلال القصة..احكيله قصة من خيالك عن طفل لما حكى لباباه عن حد خوفه بابا حماه وجاب حقه ومابقاش يخاف تانى
وقوليله الطفل ده شجاع وقوى لانه قدر يتغلب على الشخص الشرير اللى بيهدده وراح حكى لأهله
– وأوعى بعد حوارك مع الطفل وتنبيهك له من خطر التحرش تعاقبيه لو فى مرة حكالك ان فى حد لمسه من مكان حساس
وتقوليله انت مابتفهمش انا قولتلك وانت مافيش فايدة فيك!!!
ده تصرف غلط جدا..الطفل هنا مجنى عليه مش مذنب
ده غير انك لازم تطمنيه وتحسسيه بالأمان..مش فوق ماهو خايف من اللى حصله تقومى تغضبى وتزعقيله!!
وكمان لازم تمدحيه انه جه حكالك على طول..
ربنا يحــــفظ اولادكم من كــل شر يارب
|
منورانى