رسالتى النهارده بخاطب بيها المقبلات على الزواج و المتزوجات حديثا
انا متزوجه من سنتين
ولم اوفق فى الحمل فى بدايه زواجى
و لكن بعد ستة اشهر من الزواج قررت الذهاب للدكتور و بالفعل كشف عليا و قالى انتى زى الفل بس طلب منى تحاليل لزياده الاطمئنان و عملتهم فعلا و طلعو حلوين و فى هذه الاثناء حدثت ظروف منعتنى من الذهاب للدكتور عشان اوريلو التحاليل و فى هذه الاثناء تاخرت البيريود و جبت شريط الحمل المنزلى و كانت المفاجأه
شفت احلى خطين حمر فى حياتى 
و فضلت اسبوعين امشى احسس على الارض و انا مشيه و اشرب كل يوم لبن رغم انى مش بحبه و سميت البيبى لو ولد او بنت و اشتركت فى كل المنتديات اللى ليها علاقه بالحمل و الامومه
و جه يوم زيارة الدكتور و لما كشف عليا قلى
للاسف الكيس فاضى و مفيش نبض للجنين و لازم ينزل 
و اخترت سعتها الوسيله المناسبه عشان انزلو بيها و تعبت نفسيا و جسمنيا جدا
و الدكتور سعتها قالى يسنحسن لو تأجلى الحمل شهرين عشان حسمك يعوض اللى فقده
و بعد الشهرين استنى احمل مفيش
لحد ما نفسيتى تعبت و البيريود بقت بتتأخر عليا و التبويض بقى ضعيف
لحد ما بدأ الدكتور يكتبلى على كلوميد بس للاسف الوقت كان متأخر
عشان قبل ما اخذ الكلوميد بشهر زوجى جاله عقد عمل فى دوله عربيه و سافر
و دلوقتى بقالو 8 شهور مسافر و طبعا اول سنه مينفعش ينزل او انا اسفرله
و ادينى هستنى 4 شهور كمان على ما يجى
عشان كده فعلا اللى ربنا كتبو هو الخير
و اكيد التاخير ده كله فى خير لنا
عشان كده مش عيزاكو تستعجلو و تفضلو تفكرو و تضيعو احلى شهور فى حياتكو فى قلق و توتر و عياط اول لما البيريود تيجى
عشان اكيد ربنا شيلنا الاحسن طالما مؤمنين
و عايزه دلوقتى كل اللى تقرأ رسالتى تدعيلى ربنا يرجعلى زوجى بالسلامه و يرزقنى بالذريه الصالحه
و السلام ختام
ويرجعلك جوزك يالسلامة