الحجازية
طعمها فظيع احلي من بتاعت برة
2 كوب دقيق _ 2 كوب دقيق سميد _ كوب سمنة سايحة بس مش سخنة _ 2 معلقة كبيرة سكر _ 1 معلقة كبيرة خميرة _ كوب مايه دافيه أو كوب إلا ربع _ رشة ملح
الحشوة كوب سكر _ نص كوب دقيق سميد _ 2 معلقة كبيرة قرفة _ ربع كوب ماء _ و سوداني مفروم أو عايزة أو أي مكسرات
في طبق غويط حنخلط الدقيق و السميد و الخميرة و السكر و الملح كويس اوي و بعدين نحط السمنة و نفركها كويس لحد ما كلها تتشرب بالسمنة و بعدين ننزل بالماية لحد ما تلم كلها و تبقي طرية و نسبها ترتاح في مكان دافي ساعتين
و أجهز الحشوة احط كله علي بعد السميد والسكر و القرفة و أنزل براحة بالماية لحد ما تبقي متماسكة
و بعد ما ترتاح أجيب صينية مدهونة سمنة و اخد اكتر من نص العجين بشوية و افردها في الصينية و اعملها حافة من الجنب و بعدين احط الحشوة و بعدين أفرد باقي العجينة و احطها و اقطعها زي ما انا عايزة و اكون مشغلة الفرن من قبلها و احطها لحد ما تستوي من تحت و بعدين أشغل الشواية و اطلعها و اسبها تبرد و أكلها و بس كده
من الاخت مى عادل تسلم اديها
