المتراكمه على الشفاط
ودى طريقه هتخلى الشفاط زى الفل
انا كنت عند حماتى ولاقيتها هتنضف الشفاط كان متوسخ جامد والزيت ملزق فيه وكان حالته صعبه وكانت محضره الكلور والبوتاس والصابون وكأنها هتعمل عمليه جراحيه روحت انا قولت اعمل نفسى شطاره وانضفهولها ونضفتو فعلا فى اقل من عشر دقائق وكان زى الفلل وهى كانت منبهره من شكله
تعالوا بقى اقولكم نضفتو بأيه مش هتتخيلو جبت شويه زيت قديم كانت هترميهم كانت محمرة فيهم سمك وجبت حته سلكه صغيرة وبس اغمس السلكه فى الزيت وادعك وكأنه سحر لاقيت كل الحاجات اللى كانت ملزقه بتطلع من غير ولا نقع ولا كلور ولا اى حاجه ولما دعكته كله جبت حته سلكه صغيره نضيفه وحطيت عليها صابون سايل عادى ودعكت تحت الميه علشان الزيت ينزل وبس وبقى زى الفل بس خلى بالك من هدومك لينقط عليها الزيت
على فكرة الطريقه دى مش هتكلفك حاجه لو جربتيها شويه زيت قلى مستعمل كنتى هترميه وحته سلكه وشويه صابون وخمس دقائق للتنضيف يعنى اى واحده ممكن تجربها وتقول رأيها بدل الكلور والخلطات
منقووووووووووووووول
نجرب