الوسم: الاكسسورات

صباحكم / مساكم فل يا عدولاتي
انا بحتار في الاكسسورات وحفظها وبحس انها تايهه في بعض علشان كده مقسماهم علي شنط. .

شنطة للاعقاد والسلاسل

وشنط غوايش واساور مختلفة

وشنطة للتوك والخواتم
بس برضه لما بجي ادور بلاقي نفسي محتارة والاعقاد بتتشابك مع بعض ففكرت في شماعة اعلق عليها
بس للأسف جربت الشماعة البلاستيك العادية منفعتش وانثنت مع ثقل الاعقاد
لقيت عندى شماعة طرح مكسورة قلت فرصة استفيد بيها
المطلوب
شماعة طرح
حلقات ستائر كبيرة وصغيرة
سكينة
مسمار
جبت السكينة وسخنتها وشيلت بيها راس الشماعة المكسورة وكويت مكانها

وبعدين خرمت الشماعة من فوق بالسكينة بعد ما سخنتها جامد علي النار

وسويت اطرافها من الداخل بمسمار ساخن

وحطيت حلقة ستارة كبيرة علشان اعلق منها الشماعة


والاعقاد حطيتها داخل حلقات الشماعة المخصصة للطرح ده بالنسبة للي ليها قفل

لكن فيه اعقاد ملهاش اقفال( الطويلة ) دى بقي حطيتها في حلقات الستائر الصغيرة


وعلقتها في فتحات الشماعة وبقت بالمنظر ده
وعلقتها علي شماعة حجرة النوم بالمنظر ده

وكده ضمنت ان الاعقاد مش حتتداخل سوياً.
وواضحة امامي مش ححتاج وقت علشان اخد اللي انا محتاجاه
يا رب تعجبكم فكرتي يا قمرات