الوسم: العنايه

جمال المرأة يبدأ من شعرها هذا ما كان شائعاً منذ القدم عند أجدادنا العرب ومازال حتى الآن، حيث تتمنى جميع الفتيات الحصول على شعر مليء بالصحة واللمعان، ولذلك تسعى جاهدة مجربة كل أنواع الشامبوهات وغيرها من منتجات العناية بالشعر.
لكن ربما لا تحصل على النتيجة المطلوبة وذلك بسبب الاستخدام المفرط للكيماويات التي تؤدي في نهاية الأمر إلى تلف الشعر، لذلك سوف نقدم لك سيدتي وصفات طبيعية سهلة للحصول على شعر مليء بالحيوية واللمعان والصحة.

الموز:
اخلطي موزة مهروسة مع عصير البرتقال. يستخدم الخليط على الشعر لمدة 15 دقيقة ثم يشطف جيدًا. كما يمكن إضافة العسل لتعزيز الفوائد الجمالية للخليط.

العسل وعصير الليمون:
اخلطي عصير نصف ليمونة إلى نصف كوب من العسل جيدًا، ثم استخدم على الخليط على شعرك مع التدليك الجيد. دلكي فروة الرأس جيدًا لمدة 5 دقائق ثم اتركيه لمدة ربع ساعة على الأقل. بعد ذلك، يشطف الشعر جيدًا بالماء الفاتر. فيساعد الليمون على تنظيف فروة الرأس وإزالة القشرة والزيوت الزائدة، أما العسل فهو عامل مرطب يساعد على نعومة ولمعان شعرك. للحصول على نتائج أفضل لشعر متألق، كرري تلك الخلطة مرة واحدة أسبوعيًا.

البيض وزيت جوز الهند:
أضيفي صفار بيضة مع نصف كوب زيت جوز الهند وكوب حليب كامل الدسم و جل الصبار و 4 حبات فراولةثم أخلطي المكونات جيداً وضعيها على الشعر لمدة 20 دقيقية مع منشفة دافئة او بلاستيك الحمام ثم أغسليها جيداً. حيث أن البيض يعمل على تغذية الشعر والحليب ينظف الشعر بينما تعمل المكونات الاخري على ترطيب وإعطاء اللمعة للشعر

ودي بعض الخطوات للعناية بالأظافر:

– أول حاجة لازم نعرفها إن العناية بالأظافر تبدأ بالنظافة؛ يعني مهم جدا أدخّل الصابون بين الأظافر علشان تبقى دايما نظيفة مهما كان طولها، وفيه كمان فرش مخصصة للأظافر، وبتساعد في تنظيفها من الداخل.

– لازم نقصّ الأظافر كلها طول واحد، ومانخليش فيه ظفر أطول من ظفر بشكل لافت، ولو اتكسّر ظفر واحد لازم نحاول نخلّي باقي الأظافر بنفس الطول، أو يكون الطول قريب منه، علشان يبقى فيها تناسب.

– لو لقينا المانيكير بدأ يتمسح منه أجزاء لازم نمسحه كله تماما؛ لأن كده المنظر بيكون مش لطيف، والأظافر لما تكون بدون أي مانيكير أفضل من إنه يبقى عليها مانيكير وممسوح.

– برد الأظافر وتقليمها، ولازم يكون البرد في اتجاه واحد، يعني مايبقاش البرد في اتجاه رايح جاي؛ لأن ده بيكسر مادة الكرياتين اللي موجودة في الأظافر، ولو عايزة أعمل الأظافر على شكل "كاريه" بابرد الظافر من الأجناب في اتجاه واحد وباحدب من الأمام، والشكل ده موضة من فترة كبيرة وهو شكله شيك، وبيدّي شكل ناعم وراقي للإيدين، ولو عايزة أعمل الأظافر شكل بيضاوي يبقى هابرد من الجانبين في اتجاه واحد وبادوّر من الأمام.

طبعا المبرد الخشب بيكون أفضل من المبرد المعدن، ويفضّل إننا نستخدم المبرد مرة واحدة فقط وبعد كده نرميه، ممكن ناس تستخدمه أكتر من مرة، بس أنا مش بافضل ده، وماينفعش نستعمل مبرد مش بتاعنا؛ لأنه من الحاجات اللي لازم تكون شخصية، وطبعا المبرد اللي هاستخدمه في برد أظافر اليدين ماينفعش نستخدمه في برد أظافر القدمين؛ لأن -لا قدّر الله- ممكن يكون فيه مشكلة في أظافر القدم وتتنقل للإيد.

– الأفضل إن الأظافر تتبرد كل 15 يوم، وبعد ما نبردهم نجيب ليمونة ونقسمها، وندلّك بها الأظافر، ونعمل لها مساج سريع، والليمون من أفضل الحاجات اللي بتخلّي الأظافر قوية جدا، وكمان بتخلّي لونها نظيف وفاتح.

– يفضّل عند مسح المانيكير من الأظافر نستخدم مزيل يكون فيه زيوت أو جليسيرين، وبلاش نستخدم الأستون؛ لأنه من الحاجات اللي بجد بتكسّر مكونات الأظافر وتضعفها، وبتخلّي الظافر نفسه جاف جدا، وبعد ما أمسح المانيكير بمزيل مناسب أغسل إيدي كويس وأدعكها بالليمون تاني، وبعد كده أعمل ماسك بسيط وسهل أوي.

ماسك زيت الزيتون للأظافر

هنجيب كمية من زيت زيتون، وأحطه على النار علشان يدفى شوية، وبعد كده أحط أظافري فيه من 3 إلى 4 دقائق.

كمان زيت الخروع مفيد وممكن أعمله بنفس الطريقة، وبعد كده أدهن إيدي بزيت زيتون أو خروع، وأسيبهم على الإيد، ودي تعتبر زيوت مرطّبة ومغذية جدا.