الوسم: اللحمه

السلام عليكم

نقالت لكم وصفه للحمه البارده بالصور
يارب تعجبكم

مقاديرنا حوالى 12 فص توم وملح وفلفل اسود حصى وعادى واللى عاوز يزود توابل زى روز مارى بسيط مفيش مشاكل

وبعدين حنجيب عرق اللحمه البارده ده انتى بتقولى للجزار عليه وهو عارفه تمااااااااام وده شكله

وبعدين نبتدى نخرم بالسكينه فتحات فى اللحمه فى كل الجناب وكل حته على مسافات متقاربه مع ملاحظه ندخل السكينه كويس ونلفها عشان نعمل حفره كويسه نحط فيها التوم

وبعدين نحط فى كل فتحه تومه ومعاها شويه ملح وفلفل وانا كمان حطيت روز مارى بس مش كتير

نجيب عرق اللحمه ونربطها با الدباره الخيط المتين جامد جدا زى كدا

كده خلصنا رباطها لازم تتربط عشان متفكش حنلاحظ انها بتتطول معانا شويه بعد مربطناها وده شكلها

بعد كده حنجيب صنيه ونحط فيها معلقتين سمنه كبار ونسخنهم ونشوحها فيها كويس من كل الجهات

وبعد كده نحطها فى حله هى وسمنتها اللى كانت بتتشوح فيها

ونزودها بالميه لحد متتغطى خالص

حنغطيها بقى ونسيبها لحد مالميه دى كلها تخلص ويبتدى يظهر لنا كده صوص لونه بنى غامق حنحط خله فيها ونطلعها عشان نتأكد انها استوت طبعا الخله تتطلع نضيفه وبعدين نسبها لحد متبرد خالص وحنلاقى ان الرباط بدأيوسع من عليها حنشيله ونقطعها مع الصوص بتاعها وده يبقى شكلها وبالهنا والشفا

بالف هنا
مع السلامه

جميلة اوي
تسلم الايادي

نورتي ياقمر

يسلمو

اللحمه البارده
عرق لحم ( نطلبه من عند الجزار حسب الوزناللي عاوزينة )خيط الجزار ( نطلبه من عند الجزار برضه )8 فصوص ثوم ( ممكن نزودهم حسب الطلب)3 معالق كبيرة سمنةملح / فلفل اسود / بهارات / حبهانخضار مختلف ( جزرةمقطعة / بطاطس مقعة / بازلاء / اي خضار تحبي تضيفيه )الطريقةنخرم اللحمة في اماكن مختلفة بطرف السكينة و نحط في الأماكن دي فصوصالثوم (ممكن نتبل التوم بملح و فلفل الأول)في نفس الأماكن اللي حطينا فيها الثوم ممكن نحط الحبهان , بس يفضل منكترش من الحبهاننلف اللحمة بخيط الجزار ( فيه ناس بتلفها بدوبار , بس خيط الجزارأحسن لأنه حاجه طبيعية و هتدي طعم لذيذ)بعد لما نلف اللحمة كويس بحيث ان الثوم ميطلعش ولا يقع منها نبدأ نسخنالسمنه في قلاية غويطه و نحط فيها عرق اللحمةنبدأ في الأول نشوح اللحمة , نقلبها على كل جنب لحد لماكلها تتشوح , بعد كدا نغطيها 10 دقايق لحد لما تبدأ تنزل الميهبتاعتهانحط قطع البطاطس والجزر و الخضار , بس منحطش كتير , عشان يستوي كويس , يعني مجرد قطع قليلة و بسيطةتضيف طعم بسنضيف الملح والفلفل بتاعنا و البهاراتنبص عليها كل شوية و نقلبها يمين و شمال , و كل ما تشرب الميهبتاعتها نضيف شوية ميه من عندنا ( الميه تبقا دافيه شوية مش من الحنفية )نختبر اللحمة كل شويةبالشوكة , اول ما نلاقي سواها بقا كويس نشيلها من على النار ( بتاخد تقريبا 45دقيقه على النار )أول ماتستوي , نرفعها و نصفيها من الصوص بتاعها , و نستنا انها تبرد و نقطعها شرائح (ممكنبعد لما نطلعها من النار نحطها في الفرن فوق 5 دقايق على الشواية العلوية عشان وشهاينشف و يتحمر , بس دي حاجه اختيارية )بنحطها في اطباق و نصب عليها من الصوص و نحط حواليها البطاطس و الجزرو الخضار اللي كان معاها

تسلم الايادي

تسلم الايادى يا جميل

يسلمو ايدك

تسلم الايادى