الوسم: المصايف

ازيكم ياحلوين طبعا امبارح معرفتش اكمل الموضوع عشان بنتى كانت عمالة تزن وعقبال مانامت كنت انا مت خلاص ههههههههه
طولت عليكم المهم بقى ياقمرات هكمل بقيت موضوع الاكل يبقى احنا كده هناخد ايه للغداء كل يوم طب الفطار بصى بقى ياحلوة زى الشاطرة كده هتقومى تدمسى قدرة فول حلوة كده زيك وبعد ماتبرد تعبى فى اكياس على قد الاكلة وعلى الفريزر ولما تروحى كل يوم تطلعى كيس وترزعيهم طبق الفول الصبح قوم ايه ماحدش يجوع لحد ماتروحوا ولو ممكن يعنى تعملى سندوتشات فول برده وممكن جبنةعشان لو العيال جاعوا مع انى اشك ان فى عيال بتجوع وهى بتلعب ده الواحد بيشدهم عشان يكلوا
وعلى البلاج تاخدى معاكى ترمس الشاى وخلاص كده هو ده الفطار لو كان عاجبكم هههههههه
نيجى بقى للادوات اللى محتاجنها وتخص الاكل
طبعا انتى مش راحة عشان توقفى طول النهار فى المطبخ تغسلى مواعين انتى ياحلوة هتاخدى معاكى اطباق فوم وكوبيات بلاستيك والاكل اللى احنا قولنا عليه زى الفراخ اللى فى الفرن هتبقى مجهزاها فى صوانى فويل يبقى كل اللى هتخديه معالق وسكينة ولو هتعملى مكرونة بشاميل هتعمليها فى صينية فويل وتحطيها فى الفريزر كده يبقى خلصنا كل حاجة خاصة بالمطبخ

هقولك بقى على حبة حاجات فردانى لازم تكون معاكى
ابرة وخيط
مقص
اسبرين للصداع
مطهر معوى
مخفض حرارة
ملايات سرير واكياس مخدات
فوط للجسم وفوط للبلاج
فوط خاصة متكسفونيش بقى
فرش الاسنان والمعجون
صابونة
لوفة للجسم
شامبو وشاور
كريم للبشرة
زيت شعر
واقى الشمس
ديتول
زجاجة صابون سايل
مشابك غسيل
مسحوق غسيل عادى
معايا ياحلوين طولت عليكم انا عارفة هسيبكم دلوقتى وهكملكم بكرة لحسن هموت وانام تصبحوا على خير

وانتى من اهل الخير شكرا يا قمر والله الواحد لما بيروح المصيف بيتخيل نفسه فى اى وضع عشان مينساش حاجه

يسلموووووووووووووووو

انته شطرة برفو عليكى ويسلمو

عليكى

اهلا ياعدولة يامنوره مواضيعي كن عايذ اسئال سوال

سارة : ايه رايك في ملابس الصيف والبحر ؟؟؟؟؟

عدلات : طبعا بنحب ملابس الصيف والبحر هو في حد مش بيحبها

سارة : برافو عليكي ياعدولة عشان كده جيبالك ملابس البحر اوعي وشك جامد اخر 3 حاجات بس قوليلي رايك فيهم
عدلات : من عنيا هتفرج وهاختار اللي عجبني

سارة : اوكي يلا بينا

خلاصت موضوعي وخلاصت حواري مع عدلات ههههههههههه

حلوين تسلمى

هههه عسل

اقتباس المشاركة الأصلية كتبت بواسطة هبه شلبى هههه عسل

بصراحة بصراحة بصراحة بصراحة انتي انتي اللي عسل هههههههه

تسلمى يا قمر

نورتيني

مشكورة حبيبتي

شكرا لمروركم

ازيكم يااحلى عدولات بنات وستات وحشتونى اوى جايبلكم النهاردة موضوع جامد وكلنا بنموت فيه الا وهو [المصيف] كلنا طبعا لما بنيجى نروح المصيف تلاقى نفسك مش عارفة تاخدى ايه معاكى وكتير كمان تاخدى حاجات ملهاش لازمة وتنسى حاجات مهمة المهم بقى ياختى انتى وهية انا عملت ايه قولت اجيب ورقة وقلم واكتب احتياجاتى الكلام ده قبل المصيف باسبوعين وطبعا هتقسمى احتياجاتك عشان تبقى مرتبة ا اولا[الماكولت] طبعا كلنا بنقى رايحين مش عايزين نعمل حاجة فبنصرف كتير اوى فى الاكل الجاهز ده غير كمان انك مش عارفة نضافته فانا اقترحت كدة اننا هنشوف هنقعد كام يوم ونحضر الاكل من البيت مثلا اليوم الاول بانيه ومكرونة يبقى هنجيب البانيه ونتبله ونعمله بالفجيتار وعلى الفريزر ونعمل صلصة المكرونة يعنى نصفر بصلة ونحط عليها الطماطم وبعد ماتبرد فى اكياس وعلى الفريزر هيبقى كل اللى علينا نقلى البانيه ونسلق المكرونة ونحط عليها الصلصة اللى احنا جاهزناها وطبعا كل ده يتعمل قبل ماننزل البلاج عشان اكيد هنرجع تعبانين فايدوب ناخد شاور وناكل على طول اليوم الثانى كفتة وبطاطس محمرة وسلطة يبقى هنجيب اللحمة المفرومة عليها ربع كيلو لية عليها بصلتين من غير ماية وشوية بقدونس ونتبلها ملح وفلفل وبهارات ونصبعها ونرصها فى صوانى فويل وعلى الفريزر البطاطس هنقطعها صوابع ونغلى ماية ونحطها فيها تقلب مرة واحدة ونصفيها ونسيبها تبرد ونكيسها وعلى الفريزر اليوم الثالث فراخ مشوية هنجيب فرختين ونتبلهم ونشيلهم فى الفريزر وقبل السفر بيوم نطلعهاونشويها وعلى الفريزر وساعة الاكل نطلعها ونحطها فى الفرن اليوم الرابع كبدة بالردة هنجيب الكبدة ونتبلها ونعملها بالردة وعلى الفريزر وهكذاياحلوين انا قصدى اننا نجهز كل حاجة من البيت يبقى كدة كل حاجة خاصة بالماكولات هنكتبها فى ورقة يعنى مثلا هنحتاج كيس ملح
كيس سكر
زجاجة زيت
اكياس فيها توابل[فلفل وكمون بهارات
باكو شاى
كام كيس نسكافيه
كيس دقيق عشان لو جبنا مرة سمك وقليناه
خضار السلطة الخيار والطماطم والخضرة وطبعا كميات قليلة لانك مش كل يوم هتعملى سلطة
كام كيس تانج
لب وسودانى لزوم التسالى
كيس مكرونة
كيس شعرية
وهكذا ياقمرات المهم ان الموضوع كده ماكملش هكملكم المشاركة الجاية لحسن بنتى مجننانى ومش عارفة اكتب منها
سلام ياقمرات

افكارك رائعة
كملى حبيبتى

مشكورة

مشكووووووووره

تسلمى يا قمر