ممكن تقدمي مع البطاطس أي سلطة بتحبيها أصابع البطاطس المشوية
المقادير:
3 حبة بطاطس كبيرة
ملعقة صغيرة باربكيا
ملعقة صغيرة كزبرة
ملعقة صغيرة ثوم مفروم
ملعقة صغيرة بشر ليمون
¼ ملعقة صغيرة فلفل أسود
ملعقة صغيرة بهارات الكاري
¼ ملعقة صغيرة شطة
¼ كوب زيت زيتون
ملعقة صغيرة ملح
الطريقة:
1- اغسلي البطاطس كويس جدا، وبعد كده قطّعي البطاطس نصفين، وقطّعي كل نصف أربعة أصابع.
2- حطي البطاطس في صينية بحيث تكون القشرة لأسفل.
3- هاتي طبق غويط وحطّي فيه البهارات والكزبرة والباربكيا والشطة والفلفل والملح والثوم وبشر الليمون وزيت الزيتون، وقلّبي كل المكونات دي مع بعض كويس أوي.
4- حطّي الخليط اللي عملتيه على أصابع البطاطس، ودخّلي الصينية الفرن من 25 : 30 دقيقة لحد ما البطاطس لونها يبقى دهبي، وبعد كده حطّيها في طبق التقديم.. وبالهنا والشفا.
وصفه حلوة كتير تسلمى
تسلمى ممممممممممممممممممممممممممم
راااائعـــــه
تسلمي
تسلمييييييييييييييييي..