العباية ولا السدال 2024

السلام عليكم ورحمة الله وبركاته
انا ياجماعة محتارة جداااا جداااا انا عندي سدالات وعبايات وبحب الاتنين لكن بحب العبايات اكتر
لاني برتاح فيها اوي ولما بلبس السدال مبعرفش اتحرك وبيكتفني اوي وبعدين انا قريت في النت
العباية الاسلامية هي السدال وبصراحة محتارة انا مش عايزة ربنا يبقى زعلان مني
فهل لو فضلت البس العباية عادي ولا حرام يارب حد يفيدني

انا مش مفتي بس بيتهالي ان الباية طالما فضفاضة اية الحرام فيها انا ن نفسي بلبس عبايات بس

اقتباس المشاركة الأصلية كتبت بواسطة sho_sho انا مش مفتي بس بيتهالي ان الباية طالما فضفاضة اية الحرام فيها انا ن نفسي بلبس عبايات بس

شكرا ليكي يا شوشو

والله يا فرفورة ربنا بأمر الله هيراضيكي لأنك بتدوري علي دينك وبتحبي ترضي الله ورسوله
بالنسبة لسؤالك أنا عرفت أن الزى الشرعي بيكون مش محدد الكتف وبيكون واسع وفضفاض وكمان ألوانه مش ملفتة بالمرة للنظر وأنت أكيد فاهمة أقصد إيه بمش ملفتة للنظر وعليه إذا لبستي عباية واسعة وألوانها غامقة ومش ظاهرة قوي وعليها خمار طبعا بيتهيألي يكون كويس وبشوف كتير من أخواتي الملتزمات بيعملوا كدة والله أعلي وأعلم وحاولي تسألي حد في المقرأة مثلا ليفيدوكي أكتر مننا لأننا مش أهل للفتوى
أما أنا فلبست السدال وأرتحت فيه والحمد لله تعالي وربنا يثبتنا ويزيدنا يارب ونفسي ألبس النقاب بس لسة ربنا مأذنش أدعي لي ربنا يكتبها لي

جزاكى الله خيرا يافرفورة لانك عاوزة ترضى ربنا ،بصى ياحبيبتى اهم حاجة فى لبس المرأه انه يستوفى الشروط اللى ربنا قال عليها وهى انه يكون واسع فضفاض لايصف غير ملفت للنظر ،مش شرط يكون عباية او اسدال وانا شخصيا بالبس العباية ومرتاحة فيها جدا ،ربنا يوفقنا واياكى لما يحبه ويرضاه

شكرا يا كتكوتة على ردك دة