النهاردة يا اختشي غسلت كيس مكنستي و طبعا عارفين عذاب التراب
المهم جاتلي فوكيرة جنان علشان موضوع تفريغ الكيس ده
اصلي لقيت الكيس مفتوح من تحت و مسرب جوة الصندوق
قمت ايه استنيت لما الكيس نشف و ركبت جواه كيس بلاستك
طب واحدة حتتفزلك وتقولي
هو ينفع نحط كيس بلاستك في كيس المكنسة الكهربا
حقولها ايوة يا ناصحة امال يعني حيعترضوا الاتنين ؟
ولا يكونوش متخانقين مع بعض
المهم
الفكرة في تركيبه ازاي
انا دخلت الكيس البلاستك جوة كيس المكنسة من تحت وسحبته من الفتحة بتاعت كيس المكنسة
و قفلت عليه من تحت و قصيت الزيادة
و جبت القطعة اللي في اخر الخرطوم و اللي متصلة بجسم المكنسة وخلعتها و دخلتها في فتحة الكيس البلاستك اللي جوة كيس المكنسة علشان ازبط الفتحة صح
وركبت الخرطوم مكانه في المكنسة
وادي الصور
و بكدة يا دوب تخدي الكيس بحاله كدة و ترميه و تركبي واحد تاني مكانه
نورتيني
تسلم افكارك يا عسل
منورة