السطر الاول
اشتغلى سلسله بالمقاس اللى انتى عاوزاه حسب فتحه الرقبه
السطر الثانى
اشتغلى
(3 غرز عامود بلفه+ غرزه سلسله +3غرز عامود بلفه )
الدرس السادس غرزه العامود بلفه
وهكذا حتى نهايه السطر
ويقفل بدايه السطر ونهايته بغرزه منزلقه
(الدرس الثالث : الغرزه المنزلقه)
علشان ناخد شكل الدائره
السطر الثالث
هنشتغل بين كل 3غرز عامود من السطر السابق
(فى غرزه السلسله) غرزه عامود بثلاثه لفات وفوق الثلاث غرز عامود نشتغل 3غرز سلسله
اى بالتبادل فوق السلسله غرزه عامود وفوق غرز العامود 3 غرز سلسله
(الدرس السابع العامود باكثر من لفه)
حتى نهايه السطر
السطر الرابع
تعالى فوق غرزه العامود من السطر السابق واشتغلى غرزتين عامود بلفه ثلاثيه بينهم 4 غرز سلسله حتى نهايه السطر
السطر الخامس
اشتغلى فوق الاربع غرز سلسله من السطر السابق
( 2 عامود بلفه ثلاثيه+ غرزتين سلسله+ 2 عامود بلفه ثلاثيه)
حتى نهايه السطر وهنسمى الغرزه دى غرزه الصدفه
السطر السادس
اشتغلى غرزه الصدفه
(2 عامود بلفه ثلاثيه+3 سلسله+ 2 عامود بلفه ثلاثيه)
فى غرزتين السلسله فى السطر السابق
حتى نهايه السطر
السطر السابع
هتكررى السطر السادس مع زياده غرزه سلسه فى كل سطر تعمليه علشان يديكى اتساع للشال
يعنى كده(2 عامود بلفه ثلاثيه+4 سلسله+ 2 عامود بلفه ثلاثيه) حتى نهايه السطر
حتى تصلى الى الطول اللى انتى عاوزاه
السطر الاخير
نشتغله بغرزه الفستونات وهى عباره عن عدد من الغرز ولتكن 5 او 6 غرز فى الفراغ المكون من غرز السلسله فى غرزه الصدفه وتقفل بغرزه منزلقه حتى نهايه السطر
ممكن تزينيه بغرزة الورده وراح احضر لكم دروس للتزيين
ارجو اكون وفقت فى شرح الشال
تسلمى
تحياتى
تسلم أيدك يا قمر