– خدي من وقتك نص ساعة بالليل قبل النوم رتبي فيها اوضة االمعيشة ولمي اي غسيل وارميه في الغسالة وشغليها عليه ونشريه الصبح اول ما تصحي
– لعب اطفالك عوديهم يلموها قبل النوم ف مكانها وبكدة الصبح هتبقي يادوب بس ترتبي السراير وتكنسي الارض وتهوي الاوضة…
– الاكل اعملى قايمة وجبات اسبوعية وجهزى اكلك وفرزيه وخلى كل وجبة جاهزة عالتحضير على طول واعملى يوم في الاسبوع اجازة من الطبخ عشان تحضري فيه وجبات الاسبوع كله
– وانتى بتطبخي اغسلي اي مواعين اول بأول وامسحي المطبخ بعد غسل مواعين العشاء وبكدة الصبح يكون مرتب ونضيف وتبتدي يومك بحيوية اكتر
– تهوية البيت اول ما تصحي على الاقل ساعة ونص لكل البيت وبعدها قفللي وشغلي فواحة حلوة او بخور عشان تعطير البيت بيفرق ف مودك جدا
– وقت مذاكرة الاولاد طفي اي جهاز سواء تليفزيون او كمبيوتر او غيرهم في البيت كله وخليكي جنبهم وحتى لو مش هتساعديهم ممكن يا تعملى حاجة من شغل البيت يا تقري كتاب مثلا المهم ميشوفوكيش قاعدة على كمبيوتر او تليفزيون وهما بيذاكروا
– اشربي مية كتير كل يوم لانها بتزود نشاطك وبتخلي جسمك يعمل بكفاءة اكتر
– وانتي في المطبخ مستنية طبخة تخلص او تسخن مرني ايديكي ورجليكي بحركات خفيفة واعتبريه تمرين رياضي يومي لمدة 5 دقايق هينشط دورتك الدموية
