ازيكم ياعدولات انهاردة عملت ارز بسمتى بالكارى والدجاج يارب تنال اعجابكم
طريقة عمل الارز البسمتى بالكارى والدجاج من مطبخى, تعلمى كيفية عمل ارز البسمتى بالدجاج
المقادير:
1/2 ك ارز بسمتى
1/2 ك فراخ بانيه مقطع مكعبات
بصلة كبيرة مبشورة – 2فص ثوم
فلفل الوان او اخضر اللى موجود
سمنة او زيت او زبدة
ملح وفلفل وبهارات
الطريقة:
اولا
نضع طاسة او حلة على النار ونضع فيها السمنة وننزل بالفراخ تاخد لون تشويح واول ماتغير لونها انزل بالبصل ثم الثوم
ونسيبها لغاية ماتقرب تستوى وننزل بالفلفل الالوان ثم الملح والفلفل والبهارات وقليل من الكارى ونغطى لغاية ماتستوى خااالص
طريقة الارز
هنضع حلة مناسبة على النار وننزل بالسمنة او الزبدة وننزل بالارز على طول ثم قليل من الملح ونقلب جيدا ثم نسقيه بالماء ثم نضيف الكارى
انا عملت 2كوب ارز وحطيت ماية 4اكواب ماية لان البسمتى كل كوب ارز عليه 2كوب ماية ونغطى لغاية قرب السوى ثم ننزل بالفراخ
على الارز ونقلب جيدا ونتركهم يكملوا سوى مع بعض ثم يقدم مع سلطة خضرا او سلطة زبادى
وده الشكل النهائى
ملحوظة ممكن متحطيش الفراخ على الارز تغرفى الارز وفوقيه الفراخ زى مانا عملت
بالف هنا وكل عام وانتم بخير
