———————————————————–
بتجيبى الكوسه بس تكون تخينه شويه ومش طويله قوى وتقسميها نصين بالطول وبالمعلقه تشيلى قلبها بس مش
رقيقه عشان ماتتهريش تكسر يكون سمكها نص سنتيمتر وتسوى اللحمه المفرومه مع بصله وملح وفلفل وتحشى
الكوسه وتحطى عليها بشاميل اللى طرقته بتحطى معلقتين سمنه مش مليانين ومعلقتين دقيق وتقلبيهم كويس وتحطى
عليهم لبن وممكن نص الكميه لبن ونص شوربه وبتكون جميله قوى وفى الطريقه دى عايزين البشاميل تقيل مش
خفيف وتحطى ملح وفلفل بسيط وانا كان عندى بهارات جبنه جبتها من عند العطار هى بتكون بودره لونها برتقالى
ودى بتتحط على الشيبسى حطيت منها على البشاميل خلت لونه وطعمه جبنه لذيذه وجيبت صينيه وحطيت فيها
شوربه بس مش كتير ورصيت قوارب الكوسه ودخلتها الفرن فى الارضيه لحد ماستوت وبعدين طلعطها حطيت
المونزاريلا ودخلتها تانى عشان الجبنه تسيح
وبالف هنا
وفى حاجه كمان
لو مش عايزه تشغلى الفرن نظرا لازمه الانابيب ممكن تسويها على البوتاجاز من فوق بس تغطيها بغطا وبعد كده تحطيها فى الشوايه
