بصوا بجد كان نفسي اجيبلكم صور بس سامحوني
المرات القادمة ان شاءالله يكون في صور
النصيحة بتاعتي واضحة من العنوان
وهي ازاي نعمل مسقعه من غير ما الباذنجان
مايشرب زيت بكمية رهيبة زي ماساعات بنشوف
انا زمان والدتي كنت بشوفها تنقع الباذنجان في مية وملح
وكانت عملية صعبة لأنه لما بيتقشر ويتقطع
بيكون خفيف الوزن وبيعوم على وش المية وكنا نضغطه
ونحط فوقه ثقل ههههههههههه ماعلينا
انا بعمله ازاي بقاااا ؟؟
عادي بنقشر الباذنجان كويس ونقطعه زي ماتحبي
عن نفسي بحب اقطعه مكعبات لا تخينة ولا رفيعة
وزي ماهو ارصه في مصفاة طبقة وارش فوقيها ملح
وطبقة اخرى وفوقيها ملح وهكذاااا لما يخلص المقدار
وبس .. نسيت اقولكم بحط طبق تحت المصفاة
واترك الباذنجان من ساعتين الى اربع ساعات
ايوة مش نستعجل على عمايله يعني لو ناوية تعملي
مسقعه يبقا من اول النهار تقطعيه وتتركيه لما تخلصي الشقة
مثلا وتبدأي بعدها تقليه في زيت غزير عادي
وهتتفاجئوا بالنتيجة الزيت هيفضل بكميته زي ماهو
والباذنجان هيتحمر بسرعة وعمره ماهيشرب زيت
وتكملي عادي تكوني مجهزة الصلصة ولو بتعمليها باللحم
المفروم برضو براحتك ….
وتحيتي لكم من كل قلبي
والى لقاء
ارجو تجربوا وهتشوفوا الفرق
تسلمى يا عسل
|
حبيبة قلبي وعروستنا صح ؟
الاول الف مبروووك ياقمر وربنا يبارك بعمرك
ويسعدك دايما
نورتيني ياعروسة والله
واعمليها ياقلبي وهتشوفي النتيجة
انا نسيت اقولكم هتلاقوا الباذنجان صفى مية كتيييير
في الطبق اللى تحت المصفاة
|
يسلم لي عمرك وقلبك ياقمر
نورتيني ياجميلة الروح