السلام عليكم ورحمة الله وبركاته
كيكة البرتقال اللذيذه من مطبخى
المقادير :
3 عدد بيض
رشة فانيليا
برتقالة متقشره
برتقالة صحيحه بقشرها
كوب زيت
كوب وربع سكر
كوبين ونص دقيق
باكو بيكنج بودر
الطريقة :
فى الخلاط الكهربائى
. نضرب البيض مع الفانيليا فى الخلاط
. نضيف مقدار السكر ونضرب كويس
. نضيف الزيت شويه شويه ونضرب
. نقطع البرتقال ( الاتنين برتقاله المقشره واللى بقشرها ) ونضرب كويس فى الخلاط
. نصب الخليط فى وعاء غويط
. نقلب الدقيق مع البيكنج بودر ونضيفه للخليط السابق
( ملحوظه لو البرتقال مش فيه مايه كتير يبقه اكيد هنحتاج نضيف شويه مايه صغيرين واحنا بنقلب الدقيق هو خليط الكيك بيبقه سايب شويه مش غليظ )
(انا محطتش مايه علشان البرتقال كان فيه عصير كافى لكن قبل كده كنت بحتاج كميه بسيطه من المايه لان البرتقال مكنش فيه مايه كتير )
. ندهن صينيه بالزيت والدقيق ونصب الكيك فيها وندخلها فرن مسخن مسبقا على درجة حراره 180 لمدة 40 دقيقه تقريبا
ياريت يا عدولات مش تقطعوا الكيك وهى سخنه علشان متفتفتش زى بتاعتى كده 
لما تبرد خالص نقطعه
بس عندنا كانوا مستعجلين علشان يتعشوا بيها 
وبالهنا والشفا
تسلم ايديكِ
تم التكريم
