كوسه بالباشميل , طريقة عمل الكوسة بالباشميل روعة
كوسه بالباشميل , طريقة عمل الكوسة بالباشميل روعة
ازيكم يا عدولات يا رب تكونوا بخير أنا جيبالكم النهاردة أكلة تاكلوا صوابعكم وراها ويا ريت لو عجبكم الموضوع قيموه
جبتلكم كوسه بالبشاميل تحففففففففففففه كفايه كدا تشويق يلا نبدأ
2حبة طماطم وفلفل رومى
بهارات ملح وفلفل
بصلة كبيرة للعصاج
كيلو كوسه
نص كيلو لبن
مكعب مرق
رشة ملح وفلفل
4معالق دقيق
2مرقة ماجى
اول حاجة بنقطع الكوسه وبعدين نغسلها كويس وبعد كدة نشوحها فى شوية زيت ذرة صغيرين لحد ماتدبل وبعد كدة نحطلها شوية بهارات ملح وفلفل
بعد كدة بنعمل العصاج بنجيب بصلة كبيرة ونشوحها فى شوية زيت حلوين ولما تدبل نضيف اللحمة المفرومة والفلفل الرومى المتقطع قطع صغيرة ونقلب شوية وبعد كدة نضيف الطماطم المقطعة صغير والبهارات ونقلب شوية لحد ماتستوى خالص
ونيجي ع البشاميل نسخن اللبن في حله..وهو بيتسخن..نجيب حله أكبر ونسخن فيها الزيت..ولما يسخن..نحطله الدقيق مع التقليب مباشرة وعلى نار هادئة لمدة دقيقتين..وبعدين نقفل النار..ونحط اللبن الساخن بالتدريج..أولا يضاف كمية حليب بسيطة و نحرك باستمرار وبسرعة ولما يمتزج الدقيق مع اللبن نضيف كمية جديدة من اللبن وهكذا لحد ما نحصل على قوام كريمي للباشميل كما هو موضح في الصورة القادمة..وبعد كده نرجعة على نار هادئة ونحرك باستمرار لمدة دقيقة وبعد كده نحط الماجي والملح والفلفل الأسود ونقلب لمدة دقيقتين ونرفعه من على النار
بعد كدة بنجيب الصينية ونحط مغرفتين بشاميل فى القاع و بعد كدة بنحط نص الكوسة بعد كدة بنحط مغرفتين بشاميل تانى فوق الكوسة
بعد كدة حنحط اللحمة المفرومة
وبعد كدة بحط بقية الكوسة وعليها باقى البشاميل كله
وبعد كدة بدخلها الفرن على نار هادية وبكون مسخناه شوية قبل ماادخلها
وبالهناء واشفاء
لو عجبكم موضوعى قيموه
|
|
وانا لسه داخلة المدونة شفت بمواضيع جديدة
احلى صنف بحبه وطريقته رووووعة
تسلمى والف الف شكر
وعلى المفضلة فورا
