نبدأ بأول نوع
سمك البطاطا
دا شكلها و طعمها لذيذ بتتعمل أزاى بقا
ممكن مع صنية بطاطس
نجهز السمك ونتبله بالثوم والكمون والملح والفلفل والخل والشطة والفلفل الأخضر
نفرش حلقات من البطاطس فى صينية ونسكب عليها من التتبيلة ثم نرص السمك فوقها ونغطيه ونتركه
ينضج فى الفرن أو على الغاز …..بس خلاص
بالهنا
السمك البورى
ودا شكلة و بيتعمل صنية فى الفرن زى السمك البطاطا أو مشوى و الاحلى مشوى يمممممممممممم يجنن
وطبعا تتبيلة المشوى للأسكندرانية معروفة
بعد الشوى بيتحط علية ماء بملح و كمون و كرفس و لمون
و بألف هنا
سمك الشراغيش
بيتعمل مقلى جانب ارز صيادية بيبقا جميل
تتبيلة المقلى
ثوم مفروم و فلفل اخضر مفروم و شوية شطة و ملح و كمون و بتتحط فى قلب السمكة قبل القلى بساعة و بعدين بيقلى فى زيت سخن و غزير و يا سلام بقا
و الارز الصيادية
بنحط البصل على النار فى زيت و لما البصلة تحمر نحط الطماطم و لما تتشرب نضيف الارز و الماء و الملح
وده اخرى على فكره هههههههههههه
تسلم ايديكى
ابعتى بسرعة اى طبق ع السريع ولا هو نظام تجويع وبس
|
هههههههه والله وانا كمان جعت وانا بجهز لكم اللحمه
|
