*بسم اللة الرحمن الرحيم*
موضوعنا النهاردة عن أجمل غرف للاطفال وحبيت اركز اكتر فى الموضوع ده على نقطة معينة وهى ازاى تحببى طفلك فى غرفته ويلاقى الى بيحبه فيها ويقدر كمان يمارس فيها هواياته ويوسع مداركه
ويقدر كمان يستقبل اصحابه وقرايبه فيها ويستمتعوا سوا
لازم يكون هدفنا الاول والاخير حبيباتى ازاى نسعد اطفالنا و لو الطفل كبير شوية ممكن ناخد رايه فى الالوان الى بيحبها ويختارها لغرفته
هتقولولى المساحة فين المساحة الكافية يا دوب هما السريرين والدولاب ومش بيفضل مكان ومعظم الغرف كدة
هقولك طب ليه مش تعملي السراير فوق بعض و ممتعة اكتر للطفل على فكرة
الصورة دى وضع السرير الى تحت بالعكس فالى فوق مش كابس عليه ومش مضايقه
مش لازم السراير تبلع الغرفة كلها
لو مش عاجباكى الفكرة دى فكرة الكورنر دى هتوفرلك مساحة كبيرة فى نص الغرفة نعمل فيها ايه بقة
طبعا فيه افكار وهم وصعب علينا تنفيذها خدى منها بعض الأفكار مش لازم كلها
لأ انا هجيبلك أفكار سهلة التنفيذ ومش مكلفة
ممكن المساحة دى نحط العاب بسيطة للطفل زى الزحليقة الصغيرة دى
ودى ممكن النجار يعملهالك سهلة خالص
أو اللعبة دى
هتقولى عايزة الغرفة تنفعه لما يكبر …يا ستى بيعيها وبيعى السرير الدورين وابقى هاتى بدالهم سرير عادى ومكتب
لازم نكون عمليين اكتر من كدة ليه لا
ممكن كمان ترابيزة صغيرة وكراسى ملونة كدة تفتح نفسه على الرسم او اللعب بالصلصال وغيره
ايوة ليه لأ تخيلوا تأثير الحاجات دى فى شخصية الطفل
السقف ده مثلا اد ايه هينمى خياله وهيعرف عن الكون حاجات مهمة من سن صغير جدا ولو صعب تعملى الكواكب المجسمة دى يبقى ممكن تترسم على السقف مع النجوم خليكى مبتكرة
ركن القراءة ده مش واخد اى حيز لو موجود فى غرفة الطفل هيحفزه على القراءة لأن الطفل بيحب يستكشف العالم الى هو عايش فيه
طب الدولاب اللذيذ ده اخد مكان ابدا بس مبهج للطفل يحط فيه لعبه وقصصه وينظمه بنفسه فيتعلم النظام والترتيب
طبعا لو المساحة عندكواسعة هتقدرى تبدعى اكتر ولو مش كدة هنقدر برضه بالافكار الى قلتلك عليها
وطبعا فكرة الكورنر الى قلنا عليها ممكن نلعب فى الالوان لو الغرفة لولد وبنت فنعمل لونين مختلفين لمفرش السرير أو للجدار الى جنب السرير
ولو الغرفة لبنتين طبعا الرسومات والالوان هتبقى بناتى
وهنا فيه مكان للتخزين تحت السراير كمان يحطوا لعبهم
طبعا فيه نقاط اساسية يجب مراعاتها فى غرف نووم الاطفال
اولا مراعاة الامان فى الغرفة فلا حواف حادة او زجاج
ثانيا مبهجة للطفل ولكن غير مثيرة ومهيجة يعنى الوان حلوة بس مش ملعلعة اوى
ثالثا مراعاة نوع الطفل ذكر او انثى فلكل الوان تناسبه واشياء تجذبه
واخيرا ارجو انكم تكونوا استفدتم من الموضوع يا عدولات و كان فيه افكار جديدة تنفعكم
فى امان الله
وغرفة اطفال كتير حلوين
