انا مطلقه وعندى 32 سنه اطلقت بعد 3 شهور وشفت ايام ربنا وحده العالم بها المهم خالى اتصل عليه من فتره وقلى فى وسيط صاحبى جايب لكى عريس معاه دبلوم متدين جدا وبيصلى وابوه غنى جدا عنده 25 فدان وهو الا بيديرهم وكده وهو ماسك شغل ابوه والعريس عنده 40 سنه وماتجوزش خالص قبل كده واهله ناس بشوات وناس كويسين والوسيط الا جايب العريس ده يبقى جار العريس المهم خالى وجار العريس والعريس جم وانا قعدت معاهم والعريس كان قاعد وشه فى الارض وطلعله علامه صلاه كبيره وشكله بيصلى كتير ومابيتكلمش خالص الا على اد السؤال فقط ومش بيبص لى ولا حتى بيسالنى عن حاجه خالص المهم طلبت اننى اقعد معاه لوحده جه لوحده ومعاه تورتايه وجه قعد معانا كلنا امى فضلت تسالوا وهو يجاوب على اد السؤال وبرضو مكسوف وشه فى الارض وبيرفع وشه وقت الكلام بس ومش بيكلمنى ولا بيبصلى وانا كمان كنت مكسوفه مش سالته عن حاجه المهم جه العيد خالى قلى العريس جاى هو واخواته علشان يزوركم وكده المهم جه العريس ومعاه اخته واخوه وعمى قعد معاهم واخواته كانوا مكسوفين جدا وبيتكلموا بخجل بس حسيت من كلام اخته ان العريس مش شغال مع ابوه والعريس كان قاعد وبيرد على اد السؤال فقط المهم بعد لم العريس مشى عملنا عليه تحريات وسالنا عليه ناس كتير اول واحد سالته قال اهله ناس بشوات وناس محترمين جدا وعندهم خجل والعريس محترم جدا بس بيدخن سجاير جه سالت واحد تانى قلى هسال لكى المهم جه الراجل التانى ده قال انا سالت وبلاش من العريس ده ده نايم طوال النهار فى البيت وبياخد حبوب ومابيشتغلش وعايش لوحده وابوه عايش فى العزبه لوحده وعمته تحت منه عندها ى70 سنه ماتجوزتش والعريس ده خطب 3 مرات بس اهله وعايله كلها محترمين وناس عندهم حياء المهم جينا سالنا واحد تانى جار العريس شكر فيه جدا وقال ابوه محترم جدا واهله ناس بشوات ومحترمين والعريس محترم وهو خجول سالنا واحد تانى قال هسال لكم قريب له جه قال لنا صعب وهما ناس صعبين بنتكم مش هتسلك معاهم سالنا صعبين ازاى قال العريس بخيل جداااااااااااااااااااااااا سالنا ناس تانيه شكرت فى العريس جدا وقالوا ان بيشتغل وعنده مزرعه فراخ بس العريس قال ان قفل المزرعه جيت اتصلت على عمى الكبير الاهو كلامه ثقه قلى هسال عنه وجه عمى قلى هو بيصلى ومش بيسب فرض والناس كلها شكرت فيه يابنتى واهله ناس محترمين المهم امى اتصلت بخالى يكلم الوسيط علشان العريس يجيب ابوه يتفق مع عمى على الشبكه وكده جه خالى قال الوسيط بيقول ان والد العريس شكله مش هيجيب شبكه وكده المهم امى قلتله طب اقعد مع الوسيط واتفق معاه قبل ما العريس يجى هو وابوه ولازم شبكه وكده المهم بعد كام يوم خالى اتصل على امى وقلها خدى كلمى الوسيط الاهو جار العريس اهو المهم الوسيط قال للامى الناس دولت عندهم خجل ياحجه ومحترمين جدا وانا قعدت مع والد العريس والولد قال انا هدفع مهر 50 الف للابنى والعروسه هى تشترى الخشب امى قالت لوسي الكلام مش معايا خلى ابوه يجى يتفق مع عمها الوسيط قال للامى اسالى عمها الاول موافق على مهر ولالا لو كان موافق والد العريس يجى يتفق معاكم وردى عليه بسرعه ياحجه امى قالت له ماشى المهم امى كلمت عمى قلها طيب خلى والد العريس يجى يتفق معايا امى اتصلت على خالى قلتله قول لوسيط يخلى والد العريس يتفق مع عمها المهم بعد 10 ايام العريس جه هو وابوه والوسيط و4 رجاله وجابين معاهم تورتاتيه صغير ه وقعدوا وماتكلموش ولا فى مهر ولا شبكه والد العريس قال احنا جايين نقراءه الفاتحه وكذا اتفق مع الحجه على الوسيط يعنى المهم عمى قراءه الفاتحه معاهم وعمى جه سالنى فى الاوضه جوه قلى انا قرات الفاتحه وابوه العريس ولا جاب سيره مهر ولا شبكه ولا اتفق على حاجه يبقى الوسيط هو الا بيقول الكلام ده من نفسه قلت لعمى طب انت ازاى قرات الفاتحه من غير اتفاق على الشبكه ولا مهر قلى يابنتى الفاتحه مفتوحه لكل المهم بعدها عمى ندهى على الوسيط واخدوا على جنب قال له انت جايب الناس دى تقراءه الفاتحه على اساس ايه والد العريس مش اتفق معايا على حاجه رد الوسيط قال ما انا قلت لحجه ان ابوه هيدفع مهر 50 الف عمى قال له طيب والشبكه مفيش عروسه ما بتخدش شبكه رد الوسيط قال 15 الف شبكه عمى قال له شويه لازم يزود شويه الوسيط قال هكلم والد العريس وارد عليكم بعدها الناس قمت مشت والد العريس ماتكلمش فى حاجه خالص ولا قال الشبكه هتكون امتى ولا الفرح امتى ولا المهر امتى ولا اى حاجه المهم تانى يوم علطوال من قراءه الفاتحه لاقيت العريس تانى متصل وبيقول انا جاى النهارده عندكم امى قلتله اتفضل جه العريس فاضى من غير ما يجيب حاجه خالص وفضلت اتكلم معاه وسالته عن شغله قلى كان عندى مزرعه فراخ بس قفلتها لانها خسرت كتير وانا ماسك شغل بابا والدى عنده ارض وانا الا بديرها ورجعت من الارض عليكم سالته انت بتشرب حاجه قلى بدخن سجاير بس قلت له فى حاجه غير السجاير قلى وربنا ما بشربش حاجه الا سجاير فقط خالك برضو سالنى السؤال ده قبل كده انا بدخن فقط المهم فضلت اتكلم مع كتير واسالوا اسئله كتير وهو يرد عادى وبداء يتكلم عادى بس مش فكر يسالنى عن اى حاجه فى حياتى وفضلت احكيله عن طلاقى وكده وامى فضلت تتكلم معاه وهو كان بيرد ويتكلم على اد السؤال بس الخجل الا كان عنده قل شويه عن الاول المهم قلى انا عايز رقم تليفونك علشان اكلمك امى اديتهوله المهم بعد لم مشى رن عليه رنه وقفل يمكن علشان اسجل رقمه المهم بعتله رساله وقلت له ماينفعش اكلمك تليفون الا لم يكون الموضوع رسمى ودلوقتى بيتصل بنا علطوال وعايز يجى من غير ما يلبس شبكه ولا حتى دبله
بس الي تشوفي مناسب عمليه
وربنا يساعدك بكل شئ حبيبتي
…….
ربنا يصلحلك الحال
