انا عندي 22 سنه
ومامتي متوفيه وهي الوحيده االلي كانت صاحبتي الله يرحمها وانا مش عارفه اخد راي مين
فقولت اسألكم
انا قدامي اختيارين
الاول
انا متقدملي عريس كان زميلي لمدة سنه واحنا اصحاب وبعدين اتقدملي رسمي وعيز يخطبني وجاهز وعنده شقه ايجار جاهزه من كل حاجه وهيتجوز في تره قليله وبيحبني جدا بس المشكله اني انا مش عندي قبول نهائي ليه هو محترم وابن ناس وكل حاجه لكن انا مش عارفه ليه انا مش حاساه
المشكله اني في البيت بيقولي عريس ومفيش حد لاقي عريس جاهز دلوقتي وبعدين كمان بيحبك عايزه اكتر من كده مش مراعييييين تماما حتة القبول وبيقولي القبول هيجي بعد الخطوبه والجواز الغريبه
ان انا اتكلمت معاه كتير وحاولت اتقبله كزوج مش عارفه خالص حقيقي
وده اول موضوع وعايزه رأي منكم
تاني عريس هو معايا في شغلي بس للاسف في سني ولسه بيجهز نفسه وقدامه كتير اوي وبيحبني جدا برضوا وواخد الموضوع جد وده اللي انا حاسه ناحيته بحاجات كتير اوي ومتعلم وابن ناس واهله ناس طيبين جدا بس مشكلته انه لسه قدامه شويه علشان يتجوز
انا حقيقي مش عارفه اققر مع العلم ان لتاني ده انا حاسه ناحيته بقبول جدا بس اختي بتقولي الافضل تاخدي الجاهز مش لسه هتستني الواحد اللي مش جاهز وهيتعبك معاه والكلام ده كله طبعا
ساعدوني ارجوكم وانا مش عايزه اخسر الاتنين ومش عايزه اخسر عريس وفعلا مفيش حد عاوف الدنيا فيها ايه وهيجي عريس ولا لا وهيبقا كويس ولا لا
دي مشكلتي ممكن تساعدوني في حلها
لو سألتينى رايى القبول طبعا مهم جدا بس بالنسبه للعريس التانى حتستنى كتير اوى ممكن 10 سنين مثلا انتى بتتكلمى عن واحد عنده 22 سنة يعنى بدرى عليه ده غير ان المشاعر بتتقلب يمكن مع الوقت تفكيره يتغير او الضغوط تغيره
على كل يمكن حد غيرى يفيدك اكتر منى اتمنالك التوفيق
وبعدين معلش انا فاهمه ان القبول شئ اساسى لكن
ده جاهز والتانى معلش ظروفه ممكن تغيره وممكن لآ
وفيه حاجه كمان الفلوس دايماً لما تبقى قليله بتتعب نفسيه اى راجل
يعنى ممكن مايبقاش اللى انتى كنتى حبتيه او قبلتيه
فهمتينى انا رأيى توافقى على الاول واستخيرى ربنا وشوفى حبيبتى
ربنا يقدملك اللى فيه الخير
