وصفة سهلة وجميلة
ساندويتشات البرجر
حاقدم معاه أجنحة البطاطس
وصلصة العسل
يارب تحوز اعجابكم
1 كجم لحمة مفرومة
ملعقة ونصف كبيرة بصل بودر
ملعقة كبيرة ثوم بودر
ملعقة تتبيلة برجر عملتها عند العطار وبصراحة هي أساسية
لانها ادت طعم البرجر تمام وريحته
ملعقة كبيرة صويا صوص
ملعقة كبيرة ماستردة
ملعقة كبيرة كاتشاب
ملح فلفل أسود
زعتر كسبرة ناشفة
ملعقة كبيرة زيت
ملعقتين كبيرة فتات خبز
مقادير أجنحة البطاطس
4 وحدات بطاطس مقطعة اجنحة
ملعقتين زيت
حطى التوابل اللي بتحطيها
وحطي بابريكا
ماستردة
مقادير صلصة العسل
ملعقتين ماستردة
ملعقة ونصف عسل
ملعقة مايونيز
اخطلى كل من اللحمة والتوابل اللي عندك وسيبيها ترتاح لمدة نصف ساعة في الثلاجة
طلعيها وشكليها دواير وبططيها بين كيس نايلون
افرديها كويس لانها بتكش شوية وبيزيد سمكها
جهزى حلقات الفلفل الرومى والطماطم
وكمان جهزى الجبن الشيدر شرائح
جهزى صلصة العسل ضعى الماستردة والعسل والمايونيز وقلبيهم جيدا
جهزى أجنحة البطاطس قطعيها أجنحة واخلطيها مع التوابل
ضعيها في صينية وضعيها بالفرن مع التقليب المستمر
الى أن تنضج
سخنى الشواية جيدا وضعى البرجر علي الشواية مع التقليب للجانب الآخر عندما يستوى
وضعى عليها قرب السوا التام قطعة الجبن الشيدر
وضعى الفلفل الرومى والطماطم على الشواية
جهزي عيش البرجر
وافردى عليه صلصة العسل وضعى البرجر وعليه الجبن الشيدر
ثم الطماطم وعليها الكاتشاب
ثم حلقات الفلفل الرومى
وقدمى معاها أجنحة البطاطس
وبصل أخضر
يارب تكون عجبتكم أكلتى
اعذرونى لو فيه صورة البرجر ناقصة بعد ماجهز لانى بعمل بسرعة جدا
مع تحيات مطبخ مايا علي
كنتى مخبيه المواهب دى فين هههههههه
الف مبروك التكريم
تجنن يا عسل
|
ههههههه المواهب كانت موجودة بس كانت مستخبية عشان الحمل والولادة
تسلمي حبيبتي للتكريم
بالهنا والشفا
ابعتي ساندوتش ومتنسيش البصل الاخضر
|
نورتيني ياروحي
