سر من اسرار الرز
وهو
رز الريزو
رز الريزو له طرق كتير لكن بصراحه كلها فشنك مش بتطلع زيه بالظبط لكن بتبقي اقرب للرز بالبصل العادي
لان الريزو ليه طريقه واحده بس 
ومش موجوده نهائيا علي عدلات
اتفضلوا خدوا السر ده ومتقولوش لاي حد 
نفرم بصله متوسطه مش كبيره فرم ناعم قوي ونشوحها في السمن البلدي
ونشوح معاها قطع فراخ
ولما تستوي شويه نضيف الرز ونقلب
نضيف الميه
لكل كوبايه رز كوبايه وربع مياه
ونحط ملح وفلفل
وهنا السر الخطير اللي من انهارده هايخرج من البير
معلقه كبيره كاتشاب ومعلقه كبيره مسترده هو ده سر اللون بتاع الرز الريزو والطعم الحادق شويه
ونسوي الرز بالطريقه العاديه
ويزين ويقدم
علي فكره انا عندي حله الرز بالكهربا
دي بجد اختراع هايل للي مش بتعرف تسوي الرز كويس او حتي للي شاطرين
بتوفر كتير في الوقت ولا رزايه تلزق ولا تقعدي توطي وتعلي وتحطي الشياطه
لا هي بتفصل من نفسها علي المستوي التاني وبتسوي الرز حلو قوي
انصح بيها اي واحده عروسه او حتي ست بيت
والي لقاء اخر في وصفه جديده من وصفات همس
طريقة جميلة اووي
جزاكي الله خيراا
|
