صينية القراميط بالفرن وأرز الصيادية2024,وصفات مايا على,أكلات شعبية2024 2024

صينية القراميط بالفرن وأرز الصيادية2019,وصفات مايا على,أكلات شعبية2019
صينية القراميط بالفرن وأرز الصيادية2019,وصفات مايا على,أكلات شعبية2019
صينية القراميط بالفرن وأرز الصيادية2019,وصفات مايا على,أكلات شعبية2019
ازيكم حبيباتى وحشتونى
قلت أنزلكم النهاردة أكلة عملتها امبارح
بس بحبها قوى
ندخل في المضمون
أكلتى النهاردة صينية القراميط بالفرن
نشوف مع بعض مقاديرنا

طبعا القراميط تقطيعها الرأس وجزلة والذيل
دى التقسيمة بتاعتها

أنا جبت 2 كجم قراميط ونظفته كويس جدا ومن بره نظفته بفرشاة أسنان نظيفة مخصصاها للأسماك تحت المياة الجارية
1 كجم وربع طماطم مستوية
3 بصلات كبيرة مقطعة شرائح
حزمة بقدونس مخلوطة بكسبرة خضراء مقطعة صغير
ممكن تحطى فلفل أخضر بس ماكانش عندى
كزبرة ناشفة ملح فلفل أسود كمون
الطريقة
دى مقاديرنا
حنحط 3 ملاعق زيت كبيرة ونضع البصل فيها ولا حظوا معايا يابنات تدرج لون البصل للون اللى عايزة أوصله بيبقي وردى اللون

دى الدرجة اللى عايزاها

حنحط الطماطم بعد ضربها بالخلاط ونسيبها لحد ماتتسبط طبعا حطى الملح و التوابل اللى كتبتها

ضعى عليها مياه مغلية اللى تحسي انك لما تحطيها على القراميط تكون غطتها تماما وظبطى الملح طبعا
حطى البقدونس والكسبرة الخضراء بالنهاية بعد ماتطفى علي التسبيكة

نضع القراميط بالصينية ثم نضع التسبيكة وضعيها بالفرن الى أن تتشرب الطماطم وضعيها تحت الشواية عشان تاخد وش

ودى شكل القراميط بعد ماطلعت

حنعمل معاها أرز صيادية
2 كوب أرز مصري
2 كوب ونصف مياه مغلية
ربع ملعقة كبيرة ملح
فلفل أسود كركم كارى
بصلة متوسطة مفرومة خشن
ودى الطريقة موضحة بالصور

وده الشكل النهائي لرز الصيادية

ودى الأطباق كاملة مع السلطة

وبالهنا والعافية حبيباتى

على فكرة ياعدوﻻت ممكن تعملوا القراميط بالبطاطس وكمان ممكن تقلوا القراميط نص قلية بالدقيق بس أنا المرة دى ماعملتهاش كده عشان تبقي خفيفة
كمان لو القراميط صغيرة زى اللى أنا جايباها ماتتعملش بالدقيق وتتقلي هي بتستوي وبتبقي تمام التمام وبالصحة والعافية عليكم جميعا