المقادير:
2 كوب دقيق فاخر .. 1 كوب سكر
2 بيضة كبيرة … نصف كوب زبدة طرية
رشة ملح .. أ ملعقة صغيرة بكينج بودر
نصف ملعقة صغيرة بيكربونات صوديم
كوب لبن. . فانيليا
الطريقة :
بنضرب الزبدة مع السكر بالمضرب الكهربائي لغاية ما تبقى زى الكريمة..
نضيف البيضتين والفانيليا ونضربهم شوية كمان.. نضيف البيكنج بودر والبيكربونات للدقيق وننخلهم و نضع ربع كمية الدقيق على خليط البيض والسكر ونقلب بسباتولا أو ملعقة خشب ونضيف جزء من اللبن ونقلب ونفضل كدة لغاية ما نخلص الدقيق واللبن..
بنكون من قبلها مسخنين الفرن ومحضرين قوالب الكب كيك بنملا كل قالب حتى منتصفة أو أكثر قليلاً
وندخلة الفرن لمدة 15 دقيقة ما نفتحش علية قبلها ..ونختبرة زى ما بنختبر الكيك لو طلعت السكينة نضيفة يبقى نضج ولو لاقينا وشة ما اتحمرش كويس نفتح علية الشواية ثوانى
نسيبة يبرد ولو حابين نزينة براحتنا بكريم شانتية أو شيكولاتة سايحة ونرش علية فارمسية
او نزينة بعجينة السكر وقريبا ان شاء الله اقولكم ازاى تعملوا عجينة السكر بكل سهولة ..
وبالف هنا.
