كوكى و القطه لوسى – العضوة ام التوام هي صاحبة المشاركة
كوكى و القطه لوسى
كان يا ماكان يا ساده يا كرام ما يحلى الكلام الا بذكر النبى عليه الصلاه و السلام
كوكى كان بيبى صغنون لسه مولود وكان عسول ماما جابت لكوكى قطه بيبى لسه مولوده عشان تبقى صاحبه كوكى و تكبر معاه وكانت بتقلد كوكى فى كل حركاته و كان اسمها لوسى
كوكى و القطه لوسى
وكانت بتحب اوى تلعب معاه
كوكى و القطه لوسى كوكى و القطه لوسى
وكوكى كان بيشربها اللبن بتاعه من الببرونه كمان
كوكى و القطه لوسى
ولما ماما تنيم كوكى فى سريره لوسى تجرى تنام فى حضن كوكى عشان تدفيه
كوكى و القطه لوسى
بس لوسى كبرت بسرعه قبل كوكى عشان القطط بتكبر اسرع من الانسان و بقت كبييييره و ضخمه اووووووى
كوكى و القطه لوسى
ومبقتش تلعب مع كوكى كتير زى الاول وكوكى سال ماما قالها هى لوسى مبتلعبش معايا ليه؟
ماما قالتله عشان هى كبرت و شايله فى بطنها قطط صغننه كتير بكره تولدهم و تملى علينا البيت قطط كتير جميله زى لوسى
فرح كوكى و كل يوم يستنى لوسى تولد القطط الصغننه عشان يلعب معاهم فضل مستنى مستنى حوالى شهرين
وفعلا لوسى فى يوم كوكى سمعها بتنو نو كتير اوى و قعد يدور عليها كوكى لقاها ولدت القطط الصغننه الجميله وكانوا بيرضعوا من لوسى مامتهم
كوكى و القطه لوسى
فرح بيهم كوكى خالص و قعد يسقف و يضحك وكان بيحبهم اووى و بياخد باله منهم
كوكى و القطه لوسى
لحد ما كبروا و بقوا يلعبوا معاه و ينططوا فى البيت
كوكى و القطه لوسى كوكى و القطه لوسى
وتوته توته فرغت الحدوته
