ركزوا شوية بقااااااا
المكونات:
1- معلقة و نص من ثمرة الأفوكادو
2- نص ملعقة صغيرة من الزبادى
3- معلقة صغيرة من ماء الورد
هتغسلى وشك الأول 
و بعدين الطريقة:
هتجيبى ثمرة الأفوكادو اللى فى الصورة دى
و تقسميها نصين زى الصورة كده و تشيلى منها البذرة و تقشرى النص اللى قطعتيه و تاخدى منه معلقة و نص تهرسيهم كويس 
و بعدين تجيبى زبادى منزوع الدسم زى جهينة مثلا. العلبة الصغيرة منه بجنيه و الكبيرة بجنيه و نص. يللا دعاية لشركة جهينة ببلاش أهوه هههههههههههههه
أو أى زبادى تانى طبعا
و تاخدى منه نص معلقة صغيرة
و بعدين تخلطيه مع الأفوكادو و تدهنى وشك بيه خصوصا المناطق الجافة فى وشك و مفيش منه خطورة على المنطقة اللى حول العين
و تسيبى الخليط ده على وشك 20 دقيقة
و بعدين تجيبى قطن و تمسحى الماسك و بعدين تشطفى وشك كويس و تجيبى قطنة تحطى عليها مية ورد و تمشيها على وشك هيطلع فيها بواقى الماسك و فى نفس الوقت هتقبض المسام و بعدين تجيبى قطنة تانية برضو تمشيها على وشك لآخر مرة
و كده خلص الماسك
الماسك ده حصرى إهداء منى لمدونة عدلات
أتمنى يعجبكم و ماتنسوش التقييم
و اللى تجرب الماسك تيجى تقوللنا على رأيها 
|
تسلمى حبيتى
موضوع جميل
|
ألف شكر يا قمراية
