هنكمل مع بعض ان شاء الله
النشاط الرابع والأخير من وحدة تلوث الهواء
نشاط اليوم الرابع
عنوانه: مصادر تلوث الهواء
هدفه :ان يتعرف الطفل على بعض مصادر تلوث الهواء
الوسيلة والادوات المستخدمة :
مسرح خيال ظل – شخصان احدهما يقوم بدور الفراشة والآخر بدور سمير
العرض والشرح :
نبدأ بالحديث مع الاطفال على ان من ملوثات الهواء الدخان الخارج من شكمانات السيارات التالفة
واعرض عليهم صورة توضح لهم سيارة خارج منها دخان يلوث الهواء
ثم بعد ذلك اعرض عليهم مسرحية توضح لهم ذلك.
المسرحية :
الفراشة : ليه يا سمير ليه بتضرنا
سمير:ايه يا فراشة يا جميلة مش تقولى صباح الخير
الفراشة:صباح الخير يا سمير انا اسفة
سمير:ليه بتقولى ان احنا بنضرك وتقصدى ايه
الفراشة :أقصد انتوا البشر دائما السيارات بيخرج منها دخان كتير يلوث الهواء
سمير:وهو ليه الدخان بيلوث الهواء
الفراشة:
لأن الدخان اللى بيخرج من السيارات فيه نسبة كبيرة من أول وثانى أكسيد الكربون
وثانى أكسيد الكبريت اللى بيلوث الهواء الجميل اللى بنتنفسه
سمير: وايه اخطار تلوث الهواء.
الفراشة : الأمرض الخطيرة اللى بتصيب الرئة والجهاز التنفسى .
سمير : وايه العمل .
الفراشة : لازم نحافظ على الهوء ونستخدم بدائل ماتلوثش الهواء.
بعد الاستعمال يتم مناقشة الأطفال في مضمون النص لاستنباط مدى
فهمهم له.
التقويم :
1- هل الفراشة زعلانه من سمير؟ ولماذا ؟
2- هل الد خان يلوث الهواء ؟ ولماذا ؟
3- ما هى أخطار تلوث الهواء ؟
من منكم يستطيع أن يقوم بدور سمير ومن منكم يستطيع أن يقوم بدور الفراشة ؟
ـــــــــــــــ
وان شاء الله نكمل مع بعض فى وحدة جديدة
قادمة
مع تحياتى
درس حلو وان شاء الله ننفذه
تسلمي يا حسناء
تسلميلى
